ZBULIMI/ Për rastet e rënda me koronavirus, ekipi i mjekëve amerikanë…
Ilaçet që parandalojnë koagulimin e gjakut mund të ndihmojnë në rastet e rënda me COVID-19. Ky është rezultati i një studimi të mjekëve në spitalin e New Yorkut “Mount Sinai” i cili do të ndihmoj në zgjidhjen e problemeve të mëdha me të cilat përballen mjekët në gjithë botën në shërimin e të sëmurëve nga koronavirusi, me mpiksjen e gjakut e cila komplikon format e rënda të sëmundjes, të cilat gjithsesi janë vështirë për tu shëruar.
Ekipi i mjekëve amerikanë, në publikimin e tyre shkencor thekson se studimi vazhdon me veprimin e antikoagulantëve në mënyrë që të zbuloj se cili prej tyre dhe në çfarë mase vepron më së miri.
“Pacientët që kanë marrë antikoagulantë ishin shumë më mirë se ata që nuk kishin marrë,” tha për CNN, Drejtori i “Mount Sinai Heart”, Dr.Valentin Fuster.
“Kjo ka implikime. Ne besojmë se njerëzit duhet të shërohen me ilaçe antitrombocite,” shtoi ai.
Rezultatet ende nuk janë të qarta dhe sa kohë duhet për tu rekomanduar ndërsa ekipi i mjekëve thekson se mundësia më e madhe është që ilaçet kundër mpiksjes do ti jepen të sëmurëve me COVID-19 që janë në gjendje të rëndë.
Dr.Fuster dhe ekipi i tij në studim kanë përfshirë më shumë se 2.700 pacientë që janë shëruar në “Mount Sinai”. Nga muaji mars disa prej pacientëve u janë dhënë ilaçet kundër mpiksjes.
Rezultat i mirë tek pacientët në respirator
Ekipi i mjekëve ka studiuar nëse këto ilaçe kanë përfunduar me rezultate të ndryshme dhe konfirmuan se, po, kjo ka ndodhur, në rastet kur pacientët ishin në respirator.
Mjekët amerikanë zbuluan se 29 për qind e pacientëve në respirator, të cilët kanë marrë antikoagulant, kanë vdekur në krahasim me 69 për qind që nuk ishin në respirator që kanë vdekur dhe nuk kanë marrë ilaçe kundër mpiksjes.
“Zbulimi ynë sugjeron se antikoagulantët mund të ndërlidhen me rezultate të përmirësuara ndër pacientë të sëmurë me COVID-19,” theksojnë mjekët amerikanë në punimin e tyre i cili u publikua në revistën “Journal of the American College of Cardiology”.
Shkencëtarët nuk kanë konstatuar shfaqje më të mëdha të rëndësishme të efekteve anësore të kësaj terapie, probleme me hemorragji më të mëdha tek ata që u trajtuan me antikoagulant.
Studimi i tyre ka treguar se pacientët kanë marrë ilaçe të ndryshme kundër mpiksjes edhe në doza të ndryshme dhe këtë problem duhet studiuar, shtoi Dr.Fuster.
Ekipi i tij do të studioj edhe veprimin e dozës së ilaçit klasik të Heparinit dhe njërit prej antikoagulantëve më të ri oral, Dabigatranit, tek të sëmurët me COVID-19.
Dr.Valentin Fuster thotë se krijimi i mpiksjes është një faktor i rëndësishëm në epilogun fatal tek të sëmurët me COVID-19. Kjo fillon me krijimin e mpiksjes në mushkëri, më pas në veshkë, zemër dhe në fund në tru, thotë ai.
Drejtori i “Mount Sinai Heart”, Dr.Valentin Fuster, dëshiron të studioj edhe mundësinë e veprimit të ilaçeve kundër mpiksjes edhe tek pacientët që nuk janë të shtruar në spital, meqë po shfaqen raste shqetësuese të sulmeve në tru tek personat më të ri se 50 vjeç, të cilët nuk do të duhet të ekzistoj rreziku nga sulmi, dhe më vonë është vërtetuar se ishin të infektuar me koronavirus. Nuk dihet pse virusi shkakton mpiksjen e gjakut, por mund të bëhet fjalë për një efekt anësor të reagimit të një pneumonie të rëndë e cila është shkaktuar nga virusi.
