Batutat/Berisha-Ruçit: Rama iku me helikopter, ti me rroba grash…

Seanca e sotme parlamentare ka zgjatur më pak se dy orë, por nuk kanë munguar debatet, replikat dhe batutat mes palëve.

Mazhoranca e drejtuar nga Edi Rama kishte zgjedhur të heshte sot përballë akuzave të opozitës, edhe pse kreu i saj, Lulzim Basha, deklaroi qartazi se Gjermania nuk i hapte negociatat Shqipërisë, ndërsa drejtoi gishtin nga Edi Rama.

Kundrejt fjalës së Bashës, ka reaguar Gramoz Ruçi, drejtuesi i seancës, i cili i ka hequr mikrofonin, duke e argumentuar me përfundimin e kohës.

Por nga vendi ku ulet zakonisht ka reaguar ish-Kryeministri Sali Berisha

“Jepja fjalën”, iu drejtua Berisha, Ruçit, duke i sjellë në mendje arratisjen e tij historike  nga Shqipëria.

 Debati

Ruçi: Unë do të dëgjoj secilin nga ju sipas rregullave…

Berisha: Dëgjo atë (Bashën) se u thotë të vërtetën qytetarëve, jepja fjalën, jepja!

Ruçi: Unë dëshiroj shumë t’ua jap fjalën të gjithëve, por fjalën ua heq ose ua jep rregullorja e Kuvendit,

Berisha: A e pe apo s’e pe, por të paktën nuk iku si ti me rroga grash, po me helikopter! U largua me helikopter jo si ti me rroga grash! Jepja fjalën!