Pas transparencës, Bardhi: Firmat të dorëzohen në protokoll! Paloka: S’ka protokoll!
Pas transparencës që bëri në media me 4.200 formularëve të delegatëve për Kuvendin e jashtëzakonshëm Kombëtar të PD nga ana e Kryetarit të Këshillit Kombëtar, Edi Paloka, ka reaguar Sekretari i Përgjithshëm, Gazment Bardhi, duke i ftuar që të dorëzojnë kërkesën në protokollin e partisë ndërsa i kujtoi dhe premtimin që kishte bërë deputeti Flamur Noka.
“Shpreh shqetësimin e thellë për vijimin e talljes me demokratët dhe shqiptarët. Jeni bërë pa dëshirën tuaj dëshmitarë të procesit të talljes dhe fyerjes së çdo anëtari të PD. Dua të përsëris apelin tim drejtuar kujtdo që gjykon se duhet të mblidhet Kuvendi Kombëtar dhe pretendon se ka arritur të sigurojë kuorumin për nisjen e procedurave për mbledhjen e Kuvendit, të ndjekë procedurat sipas Statutit,” tha Gazment Bardhi duke shtuar se sot nuk janë fyer vetëm anëtarët, por edhe ajo pakicë që ka besuar në lëvizjen e zotit Berisha.
“Edhe sikur të jenë arritur 1/8 apo 1/10 siç janë të dhënat tona, ato nuk mund të mbyllen në kasafortë. Edhe zëri i kësaj pakicë duhet të dëgjohet nga insitucionet e Partisë. Nxirrni firmat e nga pasaporta, mos bëni show me gazetarët që nuk janë në gjendje të verifikojnë vetë që nuk janë delegatë, por nuk verifkojnë dot janë apo jo anëtarë apo në territorin e Shqipërisë. Ftesa ime është të respektoni Statutin. Kërkesa duhet të dorëzohet në protokollij e PD, institucionet të shqyrtojnë kërkesën dhe zëri i demorkatëve të dëgjohet, qoftë ky edhe pakica e pakicës.”
Por sot ndryshe nga një ditë më parë kur ishte i prerë se “Nuk ka Kuvend”, sot Sekretari i Përgjithshëm i PD, Gazment Bardhi, bëri thirrje që kërkesa të depozitohet në protokollin e PD, e kur ndërkohë reagoi Kryetari i Këshillit Kombëtar, se nuk ka protokoll, aiu iu kthye gjuhës së djeshme e qujtur gënjeshtar.
“Në datën 29 Tetor, zoti Noka deklaroi se “firmat do të depozitohen në protokoll dhe më pas i takon kryetarit dhe Kryesisë të mbledhin Kuvendin.” “Partia nuk është as kasafortë, as bunker. Ju lutem, depozitoni kërkesën në protokollin e PD, jepuni mundësinë institucioneve dhe të mbledhim Kuvendin. “- ishte ftesa e Gazment Bardhit, duke iu referuar qëndrimit Statutor të para pak ditëve të deputetit Flamur Noka. ‘Nëse dikush ka vendosur të veprojë si celulë apo ilegalitet, është i lirë të veprojë, por jo në emër të demokratëve dhe jo në emër të PD’,” tha Gazment Bardhi e në vërejtjen e gazetarëve se Z.Paloka tha se në PD nuk ka protokoll ai iu kthye gjuhës konfliktuale për ata që nuk mendojnë si Kryetari dhe Sekretari i Përgjithshëm:
“Është gënjeshtër që PD nuk ka protokoll. Ju e dini si unë, që këtu protokollohet çdo shkresë. Shkresat tona kanë një numër protokolli. Z. Paloka e di shumë mirë se ushtron funksione të larta. Kryetari i Këshillit Kombëtar është një zyrtar i lartë i PD, nuk është roje kasaforte. Në dt. 11 nuk ka Kuvend, por ka miting. Kjo është e drejta e tyre, por Kuvend nuk ka.”
