VIDEO/ Luan Baçi: Edi Rama mashtroi shqiptarët, BE e ngeli në klasë

Luan Baçi, deputet i PD-së, tha nga salla e Kuvendit, se Edi Rama mashtroi shqiptarët dhe ndërkombëtarët lidhur me negociatat dhe ato që ndodhin në Shqipëri.

Baçi theksoi se opozita ka bërë detyrën e saj, por është përballur me forcën e kartonave të mazhorancës arrigante.

“Moshapja e negociatave ishte një ndëshkim për qeverinë dhe Edi Ramën, por një lajm i keq për opozitën dhe gjithë shqiptarët.

Sot ne duhet të reflektojmë, qeveria duhet të ketë reagime të forta, sikundër ne si opozitë në aksionin tonë”, tha Baçi.

Sipas tij, Shqipëria kryeson listën e azilantëve në Europë, ndërsa vendi u kanabizua. “Kanabizimi i vendit ishte një vlerë bazë për vlerësimin që na bëri BE dhe ngeli në klasë qeverinë”, tha deputeti i PD-së.