Live/ Shqipëria në protestë, Edi Rama: Pakicë e çartur!
Protesta Kombëtare kundër rritjes së çmimeve nuk dallon vetëm në mendimin që protestuesit kanë ndaj qeverisjes kriminale të Edi Ramës dhe mënyrës së zgjidhjes së problemit ndryshe nga idea që ka Kryeministri, por dhe vlerësimit që ka Rama ndryshe nga arsyeja që ata janë mbledhur.
Me fillimin e protestës, kur mijëra qytetarë vërshuan në bulevard drejt Kryeministrisë, lideri historik i PD, Sali Berisha, e vlerësoi si “uragan kundër narkoqeverisë për rritjen stratosferike të çmimeve” ndërsa Edi Rama e cilësoi si “pakicë të çartur”.
“Uragan protesta kombëtare, kundër narkoqeverisë për rritjen stratosferike të çmimeve më shumë se dhe vetë në Ukrainë. Rroftë protesta! Zoti i bekoftë qytetarët protestues!” thekson Sali Berisha përmes rrjetit social Facebook duke e shoqëruar me transmetimin “live” të protestës.
Ndërkohë Kryeministri Edi Rama në kohën kur protestuesit ishin para Zyrës së tij ai po debatonte në rrjetin social Facebook me qytetarët që nuk janë dakord me qeverisjen e tij ndërsa protestuesve u sugjeroi të “vazhdojnë protestën tani se ka detyrë të mbroj popullin nga pasojat e luftës, jo ata që flasin përçart në emër të tij!”,
“Per ate proteste nderkohe qe tere Europa, perfshire edhe Shqiperine, perballet me pasojat e para fare te nje lufte, jo 4 dite po 4 muaj apo 4 vjet te vazhdoje asgje nuk do kisha bere dhe s’kam pritur ata qe shajne e ulerijne as per te mbrojtur familjen tende nga rritja e cmimit te energjise dhe as per t’ju thene te tereve se brenda javes, domethene sot do te kemi skenaret e perballimit te ketyre pasojave!
Sa per fuqine e popullit, une jam ne kete detyre pikerisht fale asaj fuqie, e cila nuk ka lidhje me pakicen qe shan, mallkon, abuzon, paturpesisht fare, duke akuzuar papushim per vjedhje pa piken e turpit, tamam me logjiken e hajdutit qe cdo gje dhe cdo njeri e lidh me vjedhjen, nderkohe qe po te ishte per te vjedhur mbante te tjere ketu ne vendin tim fuqia e popullit!” shprehet Edi Rama përmes rrjetit social Facebook duke përfunduar:
“Jo mor jo, do s’do kjo pakice e cartur, nuk jane te tere hajdute dhe nuk jane te tere sharlatane, po ka edhe ndryshe, keshtu qe vazhdoni protesten tani se une kam detyre te mbroj popullin nga pasojat e luftes, jo ata qe flasin percart ne emer te tij!”
