Me Ish-Ambasadorët e SHBA në Tiranë, Yuri Kim: Kemi një gjë të përbashkët…

Ambasadorja e SHBA në Tiranë, Yuri Kim, në takimi me Ish-Ambasadorët amerikanë në Shqipëri, Bill Ryerson, Marisa Lino, Jim Jeffrey, Marcie Ries dhe Alex Arvizu, konstaton dhe një gjë që e kanë të përbashkët: besimin special te lidhja mes shqiptarëve dhe amerikanëve!

“Një mbledhje e mrekullueshme në Washington me Ish-Ambasadorët e Shqipërisë, Bill Ryerson, Marisa Lino, Jim Jeffrey, Marcie Ries, Alex Arvizu,” thekson Ambasadorja amerikane Yuri Kim përmes rrjetit social Instagram ndërsa flet dhe për eksperiencat e ndryshme për gjatë 31 viteve të diplomacisë amerikane në Tiranë:

“Të gjithë kemi pasur eksperienca të ndryshme në 31 vite qëkur shqiptarët u liruan nga zinxhirët e diktaturës komuniste, por ne kemi një gjë të përbashkët: besimin se lidhja mes shqiptarëve dhe amerikanëve është në të vërtetë speciale, admirimin për arritjet e mëdha të shqiptarëve pavarësisht nga rrethanat, dhe optimizmin e qëndrueshëm për të ardhmen.”