Dy humbje jete, edhe 712 raste të reja me koronavirus në Shqipëri

Pas testimit të 1.952 të dyshuar gjatë 24 orëve të fundit 712 prej tyre rezultuan pozitiv me COVID-19 duke e çuar në 322.605 numrin e të prekurve me koronavirus në Shqipëri. Duke përditësuar të dhënat, Ministria e Shëndetësisë raporton për dy humbje jete nga koronavirusi gjatë 24 orëve të fundit ndërsa janë shëruar 551 pacientë.

Njoftim:

Nisur nga rritja e numrit të qytetarëve të prekur nga Covid19, Ministria e Shëndetësisë i bën sërish thirrje qytetarëve të mos neglizhojnë vaksinimin anticovid, posaçërisht në këtë periudhë të rritjes së kontakteve, për shkak të lëvizjeve përgjatë sezonit veror.

Çdo person mbi 12 vjeç, mund të vaksinohet në qendrat shëndetësore në të gjithë vendin. Gjithashtu MSHMS apelon të gjithë qytetarët e vaksinuar, që të drejtohen në qendrat shëndetësore, për t’u vaksinuar me dozën përforcuese.

Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.

Nëse keni shenja të sëmundjes apo keni patur kontakt me një person të prekur nga Covid19, izolohuni menjëherë dhe kontaktoni mjekun tuaj të familjes për t’u testuar sa më parë ose telefononi Urgjencën Kombëtare në numrin unik 127.

Ju informojmë për situatën në 24 orët e fundit, si vijon:

Janë kryer 1952 testime, nga të cilat kanë rezultuar pozitivë me COVID19, 712 qytetarë, në këto bashki:
237 në Tiranë, 38 në Vlorë, nga 33 qytetarë në Fier, Lushnje, 31 në Durrës, 25 në Shkodër, 24 në Elbasan, 18 në Sarandë, 17 në Lezhë, nga 15 qytetarë në Korçë, Devoll, 14 në Gjirokastër, 12 në Berat, nga 11 qytetarë në Krujë, Kavajë, nga 10 qytetarë në Himarë, Kuçovë, 9 në Kamëz, nga 8 qytetarë në Kurbin, Bulqizë, Divjakë, Maliq, Peqin, nga 7 qytetarë në Malësi e Madhe, Vorë, Mallakastër, Selenicë, nga 6 qytetarë në Roskovec, Delvinë, Përmet, Dimal, Gramsh, nga 5 qytetarë në Mat, Skrapar, nga 4 qytetarë në Vau i Dejes, Mirditë, Patos, Librazhd, nga 3 qytetarë në Kukës, Tropojë, Dibër, Këlcyrë, Tepelenë, Pogradec, Kolonjë, 2 në Pukë, nga 1 qytetar në Shijak, Klos.

Janë 3,490 qytetarë aktivë me Covid19 në të gjithë vendin.

Aktualisht në spitalin COVID3 po marrin trajtim 21 pacientë. Në 24 orët e fundit ka dy humbje jete me Sars-Cov2: një qytetar nga Tirana 73 vjeç, një qytetar nga Gjirokastra 77 vjeç.

Ministria e Shëndetësisë dhe Mbrojtjes Sociale u shpreh ngushëllimet familjarëve.

Janë shëruar 551 qytetarë gjatë 24 orëve të fundit, duke e çuar numrin e të shëruarve në 315,542 që nga fillimi i epidemisë.

Statistika, 16 Gusht 2022:

Raste të reja ditore 712
Të shëruar në 24 orë 551
Të shtruar në spitale 21
Humbje jete në 24 orë 2
Testime ditore 1952

Testime totale 1,944,478
Raste pozitive 322,605
Raste të shëruara 315,542
Raste Aktive 3,490
Humbje jete 3,573

Shpërndarja gjeografike e rasteve aktive sipas qarqeve:

Tiranë 1,434
Fier 468
Vlorë 312
Durrës 293
Korçë 186
Gjirokastër 170
Elbasan 154
Shkodër 152
Lezhë 136
Berat 102
Dibër 59
Kukës 24