Protesta në Elbasan, Kryetari i PD: Situata, në kolaps!
Të revoltuar nga rritja e papërballueshme e çmimeve, qytetarët e Elbasanit iu përgjigjen thirrjes së Partisë Demokratike Dega Elbasan për të protestuar, aty ku, siç thotë, Kryetari i PD, Bledi Himçi, situata është në kolaps!
“Situata ekonomike ka bërë që të thirret kjo protestë. Situata po degradon nga dita në ditë, dhe në mënyrë masive të rinjtë janë larguar. Elbasani sot ndërllogaritet me largimet më të mëdha. Rritja e çmimeve është e papërballueshme për qytetarët,” tha Kryetari i PD Dega Elbasan, Bledi Himçi duke përfunduar:
“Situata është në kolaps. Tek njerëzit shihet një depresion që ka shkaktuar largimin dhe ka sjellë një shkallë pakënaqësie të lartë tek qytetarët në Elbasa.”
Po afrojnë zgjedhjet dhe qeverisë i duhen para për të blerë votat, e një nga format e vjedhjes është ajo përmes rritjes së çmimit të karburanteve, tha Nënkryetari i PD, Luçiano Boçi, ndërsa paralajmëroi protestat që sot nisën nga Elbasan do të shtrihen në të gjithë Shqipërinë.
“Nuk është vetëm çështja e rritjes së naftës, është rritur pasiguria, është problemi i shpopullimit, ndaj duhet reagim qytetar. Të parët sot janë qytetarët e Elbasanit. Krahas asaj urtësisë klasike, Elbasani ka edhe pjesën e revoltës
Rritja e çmimit të naftës është një vjedhje e hapur. Bordi është antikushtetues dhe qeveria sa herë ka nevojë për para, që i përdor për luksin e saj, ua rrëmben shqiptarëve në forma të ndryshme, një nga këto forma është edhe përmes karburantit.
Nuk ka paketa ndihme ndaj krizës, nuk ka ndihmë për studentët, shtresat në nevojë. Situata bëhet më revoltuese kur çmimet në burse bien në mënyrë progresive, ndërsa në Shqipëri rriten në mënyrë të menjëhershme Ka një situatë zgjedhore përpara dhe qeverisë i duhen para për të blerë votat,” tha Nënkryetari i PD, Luçiano Boçi duke përfunduar
E nisëm këtu nga Elbasani si shkëndijën e parë, për ta shtrirë në gjithë Shqipërinë. Nuk ka më kohë për të humbur, është shkelur ekonomia jonë, por edhe dinjiteti ynë. Le të shërbejë për të gjitha revoltat që do shpërthejnë në gjithë Shqipërinë.”
