Pas konsultimeve, Vjosa Osmani: Zgjedhjet në veri më 23 prill të vitit 2023

Pas përfundimit të konsultimeve me partitë politike dhe konsensusit të plotë, Presidentja e Kosovës, Vjosa Osmani, tha se ka vendosur 23 prillin e vitit 2023, si datë të re për mbajtjen e zgjedhjeve të jashtëzakonshme për kryetarë të komunave: Mitrovicë e Veriut, Zubin Potok, Leposaviç dhe Zveçan dhe për kuvendet komunale të Zveçanit dhe Leposaviçit.

“Propozimi im sot në këtë takimi ishte për shtyren e zgjedhjeve për kryetar komunash, në këto katër komuna si dhe në kuvendet komunale në dy komuna. Diskutuam rreth datës më të përshtashme kohës që është e nevojshme dhe në fund erdhëm në konkluzionë që koha më e përshtashme është ajo e muajit prill e vitit 2023,” tha Vjosa Osmani ndërsa për zhvillimet e fundit në veri të Kosovës, shtoi:

“Në veri bandat kriminale të udhëhequra nga  lideri i tyre politik, Vuçiq nga i cili marrin urdhra dhe kanë për qëllim destabilizimin e Kosovës, mirëpo në këtë sfidë sikurse edhe në çdo sfidë tjetër do të dalim fitimtar!”