Paloka: Paratë e drogës mund të blejnë heshjen e ambasadorëve, por jo gjithë Perëndimin

Edi Paloka, nënkryetar i Kuvendit, ka deklaruar sot se Shqipëria vazhdon të renditet e para në listat e zeza të krimit. Paloka përmes një komenti në rrjet shprehet se imazhi i Edi Ramës në Europë është krim dhe drogë, ndërkohë që u ofron shqiptarëve një foto me Merkel si kredenciale për qeverinë e tij. “Tashmë boja i ka dalë me kohë dhe paratë e drogës , mund të blejnë heshtje ambasadorësh por nuk mund të shërbejnë për të mashtruar gjithë perëndimin. Kllounit të krimit po ja numërojnë ditët dhe orët… “, shkruan Paloka.

Komenti i Edi Palokës

Ndërkohë që kllouni kryeministër fut kokën e tij dhe të Xhafajt nëpër foto me personalitete të botës demokratike në Bruksel, Shqipëria vazhdon të renditet e para në listat e zeza të krimit.

Jo më larg se dje, “Zëri i Amerikës” bënte publik, raportin vjetor të Antidrogës italiane ku Shqipëria rezulton vendi i origjinës për marijuanën që ka pushtuar Italine dhe Evropen.

90 tonë të kapura në Itali vetëm për vitin 2017. “Shqiptarët zënë vendin e parë në rrjetet kriminale të huaja të narkotrafikut”,  thotë raporti sipas VOA.

Dy mijë shqiptarë janë arrestuar në Itali vetëm gjatë vitit 2017 për trafik droge. Po nuk mjaftohet me kaq , sipas raportit “grupet kriminale shqiptare të lidhura me Ndraghetën, kanë rol kyç në trafikimin e kokainës…”

Po raporti i Antidrogës Italiane i jep përgjigje dhe propagandës shterpë të “Rilindjes” që është përpjekur si në çdo gjë tjetër, të paraqesë një tjetër realitet duke deklaruar se gjatë qeverisjes së PD ka qenë e njëjta situatë. Raporti vlerëson se 94 rastet e raportuara të trafikimit të drogës janë më të lartat në dekadën e fundit, ndërkohë që vlera më e ulët shënohet ne 2011 me 49 raste”.

Ky është imazhi që Edvin Rama i ofron Evropës për Shqipërinë ndërkohë që merr Ministrin e Brendshëm me vëllain kryetrafikant , në burg në Itali, për ta nxjerrë në foto me Merkel që t’ju a servirë shqiptarëve si kredenciale për qeverinë e tij.

Po tashme boja i ka dalë me kohë dhe paratë e drogës , mund të blejnë heshtje ambasadorësh por nuk mund të shërbejneë për të mashtruar gjithë perëndimin.

Kllounit të krimit po ja numërojnë ditët dhe orët…