KAS: Rinumërohen votat e Belshit! PS: S’mund t’ia bësh të pavlefshëm vullnetin e qytetarit sepse s’ka bërë me X apo + 

Kryeministri Edi Rama mund ta quajë kinezëri Kodin Zgjedhor por si do t’ia vëjë emrin fletes së votimit në Belsh ku nuk është votuar as me “x” as me “+” por me “?” dhe sot quhet votë e vlefshme për Partinë Socialiste.

Sot përfaqësuesit ligjor të Koalicionin “Bashkë Fitojmë” kanë depozituar në Komisionit Ankimimeve dhe Sanksioneve, KAS, disa pretendime lidhur me procesin e votimit dhe numërimit në Belsh ku rreth 60 fletë votimi rezultojnë të vlefshme dhe kanë shënime ndryshe nga ato që lejohen nga KQZ.

Ata thonë se disa janë shënuar me pikëpyetje, e disa të tjera janë shkarravitur, ndërkohë që pasi janë shpallur të vlefshme i kanë kaluar si vota PS. Gjithashtu kanë depozituar dhe një video ku shihet se në një kuti ka dy fletë votimi më shumë sesa shkruhet në kuti. Me depozitimin e këtyre fakteve ata kërkojnë rinumërim në të gjitha qendrat e votimit të bashkisë Belsh.

Ndërkohë përfaqësuesit ligjor të PS janë shumë më kriminal se Kryetari i tyre arrogant. Ata mendojnë se ndonëse nuk janë shënuar sipas rregullores së KQZ, ato nuk mund të quhen të pavlefshme.

“Pavlefshmëritë janë konstatuar vetëm në atë qendër votimi. Nga fletët e konstatuara nga PD, në vlerësimin tonë nuk janë të tilla aspak. Të kufizosh këtë moment dhe ta detyrosh apo t’ia bësh të pavlefshme vullnetin e qytetarit sepse s’ka bërë me X apo me një + sipas referimit nga KQZ, e vlerësojmë totalisht të pavend. Ky është momenti kur qytetari përcjell pushtetin për kryetarin e Bashkisë. Që këto tregojnë presion, janë pretendime që nuk korrespond9ojnë me kërkimin. Në vlerësimin  tonë provat duhet të pranohen dhe ia lemë KAS për të vendosur nëse do hapen apo jo,” u shpreh përfaqësuesi i PS.

Pas kërkesës së dy anëtarëve të Komisionit Ankimimeve dhe Sanksioneve, Elvis Çefa dhe Ledio Braho, për hapjen e të gjitha kutive të Belshit, KAS ka vendosur që nesër KAS të kryhet rinumërimi i kutive të votimit për kryetar të bashkisë Belsh.