Arrogant dhe i pafytyrë, Edi Rama zhvlersëon mbledhjen e dy qeverive si Ballkanin e Hapur

Nuk ka shqiptar mbi këtë tokë që ka besuar se si mbledhjet ashtu dhe marrëveshjet e firmosura në mbledhjet e dy qeverive Shqipëri-Kosovë kanë ndonjë kuptim, por, sot Edi Rama ashtu siç zhvlerësoi Ballkanin e Hapur ndonëse e quajti projekt të pavdekshëm madhor, veproi edhe me marrëveshjet që ishin planifikuar të firmosen në Gjakovë, takim të cilin Kryeministri Rama e anuloi për kokrrën e qejfit të Beogradit.

Mëngjesin e sotëm, ndërsa po fillonte turin e tij ballkanik dhe Kryeministri Albin Kurti nuk e kishte konfirmuar takimin me Kryeministrin Rama pasi kërkonte mbledhjen e dy qeverive ku do të firmoseshin 13 marrëveshje, arroganti i lindur me emrin Edvin Kristaq Rama, firmosi marrëveshjet, i nisi me postë dhe pa kërkuar falje pse përbuzi Qeverinë e Kosovës dhe kosovarët në tërësi, tha se po pret konfirmimin për takim nga Kryeministri Kurti.

“Sot të mëngjes janë dorëzuar në ministrinë e jashtme në Kosovë të 13 marrëveshjet e mbledhjes së dy qeverive të firmosura nga ana jonë. Me kundërfirmosjen e palës kosovare ato hyjnë menjëherë në fuqi. Mbetem me shpresë se pas heqjes së merakut të shprehur publikisht nga KM Kurti për qytetarët e penguar të përfitojnë nga 13 marrëveshjet, do të kemi edhe konfirmimin e takimit me Albinin sot pasdite,” tha Kryeministri Edi Rama përmes rrjetit social Facebook.

Ndryshe, dje Kryeministri i Kosovës, Albin Kurti, tha i prerë se nuk do të takohet me Kryeministrin Edi Rama pa mbajtjen e mbledhjes së përbashkët të dy qeverive ku do të firmoseshin 13 marrëveshjet, sipas tij, shumë të rëndësishme.

Mesazhi:

Pas pak drejt Shkupit për të nisur vizitën dyditore në kryeqytetet e Ballkanit Perëndimor.

Sot të mëngjes janë dorëzuar në ministrinë e jashtme në Kosovë të 13 marrëveshjet e mbledhjes së dy qeverive të firmosura nga ana jonë. Me kundërfirmosjen e palës kosovare ato hyjnë menjëherë në fuqi. Mbetem me shpresë se pas heqjes së merakut të shprehur publikisht nga KM Kurti për qytetarët e penguar të përfitojnë nga 13 marrëveshjet, do të kemi edhe konfirmimin e takimit me Albinin sot pasdite