Krimineli përbuzës, Vuçiç: Nuk e kam bombarduar unë Amerikën, por ata vendin tim!
Nga goja e Presidentit të Serbisë, Aleksandar Vuçiç, dhe Përfaqësuesi i Lartë për Politikë të Jashtme dhe Siguri i BE, Josep Borrell, në Bruksel, si dhe opozita dhe media në Kosovë, kishim rastin të dëgjojmë se për përfundimin e negociatave pa sukses, fajtor është Kryeministri Albin Kurti, por deri më sot nuk kishim rastin të dëgjojmë akuza direkte kundër Amerikës nga politikani më i favorizuar nga Shtetet e Bashkuara në Evropë, Aleksandar Vuçiç!
Dhe jo vetëm kaq! Kriminelit serb dhe personit të shpallur NON GRATA nga Shtetet e Bashkuara, Presidentit të Republik Srpska, Milorad Dodik, ai i dha të drejtë, përkundër masave që kishte marrë Përfaqësuesi i Lartë në Bosnje Hercegovinë dhe ishte mbështetur nga BE-SHBA, ndonëse është koshient se mund të arrestohet!
“Negociatat në Bruksel përfunduan pa sukses. Kurti tha se populli do të vuan dhe do të paguan. Çfarë do të ndodhte sikur ta thosha unë këtë gjë, do isha në të gjitha mediat. Ai natyrisht nuk u shfaq askund sepse shqiptarëve u lejohet gjithçka,” tha për televizionin serb TV PINK Presidenti i Serbisë, Aleksandar Vuçiç, duke mashtruar ndonëse vetë Kryeministri Albin Kurti pas përfundimit të negociatave iu përgjigj edhe mediave të Beogradit duke folur në gjuhën serbe.
Por, Aleksandar Vuçiç vazhdoi duke mashtruar siç bëri nga momenti i parë kur u ul në fronin e ministrit të Informacionit të Slobodan Milosheviçit dhe përgjatë gjithë dialogut Kosovë-Serbi:
“Kurti kurrë nuk do të guxonte të thoshte se nuk ka mbështetje. Ne kemi arritur që të mos jemi fajtor, që ti nxjerrim disa njerëz nga paraburgimi. Këtë e kam të rëndësishme. Nga Trajkoviçi deri te Bozhoviçi, për të gjithë serbët e arrestuar. Frika ime më e madhe është përpjekja që serbëve tu imponohet faji gjithandej në rajon,” tha Vuçiç duke fajësuar të gjitha shtetet përreth Serbisë dhe jo vetëm shqiptarët, sepse sipas këtij krimineli par excellence që vazhdon dhe drejton një shtet, vetëm serbët nuk kanë faj.
Paralajmëroi udhëtimin drejt New Yorkut dhe takimin me Përfaqësuesin e SHBA për Gabriel Escobar, për të cilin nga Beogradi kishte dhe kërcënime.
“Sa i përket Gabrijel Escobarit, do ta takoj në SHBA dhe do ti them në fytyrë se çfarë mendoj për lojërat e qeverive të huaja. Shqetësimi më i madh lidhet me Kosovën, shpresoj se do shkoj më mirë dhe do të qetësohet situata. Por jam i shqetësuar edhe për serbët në Republikën Srpska. Mesazhi im është se deri sa të jam unë President, i huaji nuk do ta drejtoj këtë vend,” tha duke vazhduar të sulmoj amerikanët dhe politikën e tyre ndaj Kosovës.
“Gjithmonë është kështu, ata bien dakord me Kurtin, e Asociacionin nuk duan ta pranojnë, por do shpikin diçka që ne të shpallemi fajtor. Lajçak dhe njerëzit e ndershëm thanë se kush është fajtor, por të nesërmen u shfaq Stano, ai nga Amerika, për të thënë se qeveritë e huaja nuk mund të kenë ndikim, përveç e atij. Unë nuk e kam bombarduar Amerikën, por ata vendin tim. Unë po hesht. Kam edhe 3-4 vite të mandatit. Do punoj më së miri për popullin tim,” tha Presidenti i Serbisë pa rikujtuar arsye pse u bombardua shteti i tij kur drejtohej nga krimineli i luftes Slobodan Milosheviç, e për të dëshmuar se sa kriminel që është edhe vetë, e dëshmoi me avokatinë që i bëri Milorad Dodikut, për të cilin shpreson se nuk do të arrestohet.
“Kam frikë se një ide e tillë ezksiton,” tha Vuçiç duke bërë të ditur se i kishin kërkuar të bëjë presion mbi Presidentin e Republika Srpska, Milorad Dodik, ndërsa përfundoi:
“Më thanë se Dodik ka të drejtë, por duhet të kaloj pak kohë. Kaloi më shumë se një vit, e ata vazhdojnë të bëjnë presion mbi Republikën Srpska”
