Edi Rama është rëndë: Për 48 orë, 22 mijë automjete kaluan në Tunelin e Llogarasë
Pas inaugurimit të Tunelit të Llogarasë ku Kryeministri Edi Rama u pa se kishte hallin kryesor që ai të ishte më i madh se Tuneli i Kalimashit me 5.6 kilometra, për të cilin bëri luftë të madhe mediatike për të bindur qenien shqiptare se është tunel në rrugën e asgjëkundit, tashmë ka filluar beteja propagandistike për të na dëshmuar se kemi të bëjmë me tunelin më të madh në Shqipëri dhe jo vetëm, dhe sot Kryeministri kaloi dhe në delir dhe do të na bindë se për 48 orë kanë kaluar 22 mijë automjete.
Fillimisht, habinë që shprehu Edi Rama në ditën e inaugurimit pse ishte hapur vetëm një tunel dhe tjetri, sipas të përndjekurës nga komunizmi Belinda Balluku, ishte lënë për emergjencë, ishte një mashtrim ordiner sepse dy tunele, pra katër korsi, nuk kanë se si të lidhen në rrugën me dy korsi, sikur trafikun te tunelet ta drejtonte edhe dora vetë Taulant Balla! Dhe jo vetëm kaq!
Tuneli si zgjidhje për komunitetin dhe lëvizjen e turistëve nuk kuptohet pse duhet të gënjehet me gjatësinë e këtij projekti siç bëjnë primitivët rilindas duke na thënë fillimisht se është me gjatësi 5.8 kilometra, më pas e rritën në 5.9 dhe mediat në shërbim të Kryeministrit e çuan me hatër deri në 6 kilometra, për të funduar në 5.7 kilometra! Ndoshta ky është dhe fundi fatlum dhe shteti i shqipeve mund të turpërohej edhe me një tunel me gjatësi 5.6 kilometra e një hap, vetëm që të jetë më i madh se ai i Kalimashit, pra, i Sali Berishës!
Fatkeqësisht marrëzia komuniste nuk përfundoi këtu!
Sot deliri arriti kulmin me shifra që nuk do ti llogariste as Lulzim Basha!
Sipas Kryedelirantit, brenda 48 orëve në Tunelin e Llogarasë kanë kaluar 22 mijë automjete ose një automjet në 7.63 minuta, përkatësisht me shpejtësi lëvizjeje mbi 100 km/orë! Sikur edhe të ishte realitet kjo foto e publikuara nga mediat që ka në shërbim ky drejtues i pashembullt i qeverisë shqiptare, kjo do të ishte e parealizueshme sepse kësaj bote Zoti i ka dhënë dhe natën, kur fluksi është shumë më i rrallë!
Por, meqë po flasim për të pafe, do bazohemi tek videoja që publikoi Kryeministri i Shkodrës, Himarës dhe gjithë Shqipërisë, Edi Rama, ku realiteti është ky:
Pra, po sipas kësaj videoje, gjatë 48 orëve kishte momente kur fluksi në tunel ishte dhe kështu:
Dhe, sikur ti shtojmë dhe faktin se ky tunel përveç se në resortin e Samir Manes të çon në Bashkinë Himarë ku jetojnë dhe militantë të çmendur si ata që i publikoi Kryeministri dhe gërthasin “Edi Rama na shpëtoi”, nuk duhet harruar se Himara sipas censit të fundit ka vetëm 8.328 banorë, dhe të gjitha broçkullat e Manes dhe këto të sotme të Edi Ramës nuk kanë as bazë matematikore!
Pse?! Për këtë duhet të kujdesen ata që e qëndisin propagandën e Edi Ramës dhe mendojnë se do ta fusin në një thes logjikën politike me atë ekonomike për Tunelin e Llogarasë edhe pas ndërtimit të atij të Skërficës që ngërthen si logjikën politike dhe ekonomike, ashtu dhe atë sociale, për të cilën Edi Rama me qeverisjen e tij kurrë nuk ka menduar, duke mos e pasur problem se do të binden edhe ata që nuk gërthasin në Tunelin e Llogarasë “Na shpëtoi Edi Rama” ose nuk kanë pirë gjakun e punonjësve të SHIK-ut të Berishës!
