Vuçiç: Nuk dëshironi ndarje? Për 40 vjet do ta mbrojmë Vranjen!

“Askush nuk do të na jap as ndarjen, dhe asgjë tjetër të ngjashme.” Kështu u mudnua të qetësoj opinion serb, Presidenti i Serbisë, Aleksandar Vuçiç pas letrës së Kryepeshkopit të Kosovës Teodosije duke i tërhequr vërejtjen opinionit serb i cili e kundërshton zgjidhjen e çështjes së Kosovës, se për 20 vjet do të na thonë zhdukuni

“Nuk dëshironi përcaktimin e kufirit me Shqiptarët? Nuk ka problem, u thoni njerëzve të bëhemi gati ta mbrojmë Vranjen për 40 vjet. A mendoni ju se njerëzit tanë nuk janë duke u zhvendosur edhe sot që flasim. Në daljen time publike do të shpalos të gjitha të dhënat që kam,” tha Vuçiç duke ju përgjigjur pyetjes së gazetarit se çfarë mendon për letrën e hapur të kryepeshkopit të Kishës Ortodokse në Kosovë, Teodosije i cili thekson se ndarja e territoreve do të shkaktonte shpërnguljen e serbëve nga Kosova dhe shkatërrimin e trashëgimisë kulturore.

Me këtë rast, Vuçiç tha se përgjigja më e mirë në këtë letër ndodhet pikërisht në pyetjen e gazetarit, se a nuk po ndodhë kjo edhe sot duke shtuar se fuqitë e mëdha dhe shërbimet e huaja kanë të njëjtin argument pse nuk duan kufij etnik.

“Them se më mirë është diçka, se asgjë,” tha presidenti i Serbisë duke shtuar se Kisha, edhe pse nuk dëshiron kufij etnik, dëshiron që “shteti i rrejshëm i Kosovës” ti paguaj 650.000 euro.

Janë edhe shumë të tjerë, në veçanti kundërshtarët politik të cilët nuk duan kurrfarë zgjidhje për Kosovën.

“Dëshirojnë të jenë sot më të sigurt, e nesër? Nuk mërziten…” tha Vuçiç.

Thelbi është, se kundërshtarët e tij e shohin çështjen e Kosovës si “terrenin” më të mirë për rrëzimin e tij nga pushteti

Do të dal, tha, para opinionit, nëse bie dakord me njeri, meqë me shqiptarët kjo nuk u arrit dot.

“Nuk dua ende të përgjigjem për detajet, por do ti përgjigjem të gjithëve në Serbi dhe botë. Padyshim që do të them se cila janë ato fuqi të mëdha dhe shërbime të huaja që kanë po këtë argument. Nuk duam kufij etnik, por duam që shteti i Kosovës, shteti shqiptar i Kosovës të na paguaj 650.000 euro për kishën tonë. Këtë e duam, nga ky shteti që nuk ekziston,” tha Vuçiç pas letrës së hapur nga Kisha Ortodokse e Serbisë, përkatësisht Kryepeshkopi i Kosovës Teodosije.

                                                          Kisha dhe ndarja e Kosovës

Kur “ndarja e Kosovës” është bërë ligjërim në Serbi dhe më gjerë, me përjashtim të vetë Kosovës që është pronare e saj, është edhe Kisha Ortodokse e Serbisë që është bërë pjesë e politikës së Beogradit zyrtar dhe i del në ndihmë Presidentit të Serbisë, Aleksandar Vuçiç

Kryepeshkopi i Kosovës, Teodosije duke e trajtuar “ndarjen e Kosovës” si një çështje për të cilën po bisedohet, i drejtohet me një letër të hapur Presidentit të Serbisë duke theksuar se deklaratat gjithnjë e më të shpeshta të politikanëve në Beograd dhe Prishtinë për ndarjen e Kosovës janë të papërgjegjshme dhe po shkaktojnë frikë në mesin e popullsisë serbe.

“A do të thotë kjo se shumica e serbëve të Kosovës që jetojnë në jug të lumit Ibër duhet të lëvizin nga shtëpitë e tyre dhe t’i braktisin edhe vendet e shenjta? Patriarkanën e Pejës, Deçanit, Graçanicës, Prizrenit?” shton pyetjen Teodosije  duke shtuar se deklaratat  e këtij lloji janë një kërcënim i vazhdueshëm për paqen dhe stabilitetin, jo vetëm për rajonin e Ballkanit Perëndimor.

“Një zgjidhje e tillë do të krijonte precedent shtesë për ndarje të re në Evropë dhe në mbarë botën dhe do të çoj në gjakderdhje, uri dhe dëbim të popullsisë civile”.

Teodosije iu bëri thirrje politikanëve në Beograd dhe Prishtinë që me ndërmjetësim ndërkombëtar t’i zgjidhin çështjet në Kosovë dhe të shikojnë vetëm në funksion të ruajtjes së paqes dhe sigurisë për të gjithë qytetarët.