Vetëm 4.2 për qind e serbëve mbështetë njohjen e Kosovës

Deri sa ndarjen e Kosovës në pjesën serbe e shqiptare e mbështetë një e treta e të anketuarve, çdo i dyti qytetar i Serbisë konsideron se duhet të shpallet referendum në lidhje me zgjidhjen përfundimtare për Kosovën dhe janë  vetëm 4.2 për qind e mbështesin e njohjen e Kosovës. Kështu tregon një sondazh i kryer nga Mendimi i Ri Politik Serb, raporton e përjavshmja e Beogradit, “Vreme”.

Për referendum janë deklaruar 49.4 për qind e të anketuarve, kundër 34 për qind, kurse pa qëndrim ishin 16.6 për qind e tyre, raporton Koha.net

Sipas këtij sondazhi 71.5 për qind e të anketuarve është kundër dhënies së pëlqimit që pranimi i Kosovës në OKB të jetë kusht për hyrjen e Serbisë në Bashkimin Europian, 12 për qind janë për, kurse 16.5 për qind nuk kishin përgjigje.

Hulumtimi i kryer nga data 12 deri më 19 korrik tregon se për shtyrjen e zgjidhjes së çështjes së Kosovës “për një kohë më të mirë” janë 43 për qind e qytetarëve, ndarjen në pjesën serbe e shqiptare të Kosovës e mbështet një e treta e qytetarëve, përkatësisht 33.4 për qind e të anketuarve, 19.4 për qind ishin pa përgjigje, kurse 4.2 për qind mendon se duhet të pranohet pavarësia e Kosovës, transmeton Koha.net