Apeli e dënon me 1 vit burg, Berisha: Edi Rama, Geron dhe Fatzi Xhafa dënuan sot deputetin Ervin Saljani!
Pas vendimit të Gjykatës së Apelit që të lë në fuqi dënimin me 1 vit burg nga Gjykata e shkallës së parë, për deputetin e PD, Ervin Salianji, ka reaguar Kryetari i Partisë Demokratike, Sali Berisha duke theksuar se sot në luftën e shpallur ndaj opozitës, Edvin Kristaq Rama dënoi me burgim politik deputetin e opozitës Ervin Salianji për betejën e tij guximtare kundër Edi Ramës dhe narko-shtetit të tij.
“Sot Ervin Salianji u dënua nga Edi Rama, Geron dhe Fatzi Xhafa në një akt hakmarrje të verbër politike për faktin e vetëm se deputeti Salianji vërtetoi lidhjen dhe veprimtarinë kriminale të narko-trafikantit ndërkombëtar vëllait të Fatmir Xhafës, ministër trafikant, dhe Edi Ramës kreu i narko-shtetit shqiptar. Dënimi i sotëm i Ervin Salianjit dëshmon se në këtë vend droga dhe krimi i lidhur me qeverinë janë vendim-marrësit kryesorë në narko-shtetin shqiptar,” shprehet Sali Berisha në reagimin e tij duke përfunduar:
“Partia Demokratike dënon me forcën më të madhe këtë akt politik të shëmtuar të Edi Ramës dhe narko-shtetit të tij kundër Partisë Demokratike, opozitës dhe pluralizmit politik në Shqipëri si dëshmi e terrorit të egër ndaj opozitës për Partinë Demokratike, për çdo demokrate dhe demokrat, për çdo opozitare dhe opozitar, ky akt është një kushtrim, është një SOS të ngrihemi në mosbindje civile,” thekson Kryetari i Partisë Demokratike, Sali Berisha duke përfunduar:
“O sot, o kurrë” kundër Edi Ramës dhe narko-diktaturës së tij.”
Ndryshe, Gjykata e Apelit sot ka lënë në fuqi vendimin e Gjykatës së Shkallës së Parë me 1 vit burg Ish-Deputetin e PD, Ervin Salianji, në çështjen “Babalja”, pas denoncimeve ndaj qeverisë për lidhje me trafikantë dhe personazhe të krimit të organizuar që mbaheshin nga vëllai i Ish-Ministrit Brendshëm, Fatmir Xhafaj.
