Presidentja Vjosa Osmani dekoron personalitetet amerikane për lirinë e pavarësinë e Kosovës

Presidentja Vjosa Osmani ka dekoruar me Urdhërin e Lirisë dhe Urdhërin e Pavarësisë katër personalitete të rëndësishme amerikane për kontributin e tyre për lirinë dhe pavarësinë  e Kosovës, Ambasadorin William Walker, Kongresistin e ndjerë Tom Lantos, Ambasadorin Daniel Fried, Josh Black dhe Mira Ricardel.

“Përmes përpjekjeve të tyre të pandërprera dhe angazhimit të palëkundur për paqen, lirinë dhe pavarësinë e Republikës së Kosovës, Ambasadori William Walker, Kongresisti i ndjerë Tom Lantos, Ambasadori Daniel Fried, Josh Black dhe Mira Ricardel janë disa nga aleatët tanë amerikanë që kanë lënë një trashëgimi, e cila do të kujtohet gjithmonë me përulësi nga populli i Kosovës,” shprehet Presidentja e Kosovës përmes rrjetit social Facebook pas dekorimit duke përfunduar:

“Mbështetja e tyre ka formësuar të kaluarën tonë, fuqizon të tashmen tonë dhe frymëzon të ardhmen tonë! Për këtë kontribut, sot, në Washington D.C., pata nderin që, në emër të Republikës së Kosovës, t’i dekoroj me Urdhrin e Lirisë dhe Urdhrin e Pavarësisë.”