Opozita proteston në Strasburg, deputetët e PD takime me europarlamentarë

Para selisë së Parlamentit Evropian në Strasburg, sot 30 deputetë të Partisë Demokratike do të protestojnë në orën 11:30 ku do të shpalosin pankarta me paralajmërimin mbi situatën në Shqipëri ku është ngjizur regjimi diktatorial.

Ndërkohë pesë deputetët e PD, Flamur Noka, Gazment Bardhi, Jorida Tabaku, Albana Vokshi, Agron Gjekmarkaj, janë futur në Parlamentin Europian ku po zhvillojnë takime me eurodeputetët e PE në kuadër të sensibilizimit të Bashkimit Evropian për situatën në Shqipëri.

Ndryshe, Partia Demokratike ka vendosur të protestoj me 30 deputetë në ditën kur Parlamenti Evropian mblidhet në seancë plenare në Strasburg, pas burgosjes së deputetit të saj Ervin Salianji, mosvotimit të Partisë Socialiste të vendimit të Gjykatës Kushtetuese, lidhjet e dëshmuara të qeverisë me krimin, si dhe korrupsionit, çështje këto që do të diskutohen në takimet që deputetët e PD-së do të diskutojnë me europarlamentarët.