Mashtrimet e Lali Erit, GJKKO publikon procesverbalin e seancës: Prokurori nuk iu drejtua Veliajt “ndyrësirë”
Gjykata e Posaçme Kundër Korrupsionit dhe Krimit të Organizuar, GJKKO ka reaguar pas broçkullave të Kryetarit të arrestuar të Bashkisë, Erion Veliaj, duke iu referuar një procesverbali të një seance gjyqësore, që sipas këtij mashtruesi prokurori Ols Dado e ka quajtur “ndyrësirë”.
GJKKO hedhë poshtë këtë pretendim, duke konfirmuar se pas verifikimit të sistemit audio dhe shqyrtimit të procesverbalit të seancës gjyqësore të datës 12.02.2025, nuk ka rezultuar se prokurori ka përdorur këtë fjalë.
Ndryshe, mashtrimet që nxjerrë nga goja Lali Eri nuk janë risi por vetëm raportime të mediave që kanë braktisur Edi Ramën dhe vazhdojnë të publikojnë broçkullat nga më të ndryshmet që vetëm truri i falsifikatorit Erion Veliaj mund të pjellë edhe kur është në qeli.
Vetëm formati që publikon ai atë që e quan “dialog në thertoren e Erion Kasapit”, të bënë për të vjellë jo si e trajton GJykatën e Posaçme por si e mendon procesverbalin e një seance dhe vetë këtë gjykatë!
Sa për cilësimin e gjyqtarit Erion Bani si “Erion Kasapi”, padyshim që shqetëson familjarët por kjo nuk është hata për ata që njohin mirë edukatën familjare të një të riu si Erion Veliaj, i rritur në një familje llumi komunist që Gjykatën e njeh për thertore të atyre që mendojnë ndryshe, familje që në Gjykatë kanë shkuar për 80 vjet vetëm për duartrokitur kur antikomunistët janë dënuar me varje në litar.
Gjithsesi, mediat që nuk i janë nënshtruar ende këtij llumi, iu dejtuan GJKKO për një procesverbal jo vetëm për të treguar të vërtetën e kësaj seance, por dhe të vërtetën e sondazheve të mediave që mbrojnë sot hajdutin Erion Veliaj dhe deri dje flisnin për SPAK-un si insittucionin me mbështetjen më të madhe; Dhe, pas arrestimit të kësaj pjelle të Edi Ramës kanë pushuar me sondazhe të këtij lloji.
Njoftimi i GJKKO:
Nisur nga interesimi i lartë dhe i vazhdueshëm nga ana juaj, duke paraqitur dhe kërkesa për informacion, në bazë të ligjit Nr. 119/2014 “Për të drejtën e informimit”, i ndryshuar, në lidhje me vërtetësinë e pjesës së procesverbalit të seancës gjyqësore, të datës 12.02.2025, të publikuar ditën e sotme nga personi nën hetim Erion Veliaj, në rrjetin e tij social në “Facebook”, ju bëjmë me dije se nuk është i vërtetë.
Nga verifikimi i bërë në sistemin audio, të seancës gjyqësore për marrjen në pyetje të personave nën hetim Erion Veliaj, etj., të datës 12.02.2025, konkretisht intervali kohor 6:34:02 PM – 6:34:57 PM (të cilit i referohet i hetuari Erion Veliaj në postimin e tij) si dhe nga procesverbali i seancës gjyqësore, nuk rezulton që të jetë përdorur fjala “ndyrësirë” nga ana e prokurorit Ols Dado në asnjë moment.
