Organizohuni, Tomor Alizoti nga Belshi: Çlirimi real është 11 maji

Organizohuni, mobilizohuni se çlirimi real i Shqipërisë është 11 maji, tha drejtuesi politik i PD për Qarkun Elbasan, Tomor Alizoti, para qytetarëve të Belshit duke e konsideruar emergjencë shpëtimin e Shqipërisë nga zhbërja dhe kombi shqiptar ku dhe akuzoi Edi Ramën i cili që 12 vite qeverisë dhe ka lënë gjysmën e popullit rrugëve të botës.

“Jam shumë i lumtur që ju shikoj këtu.Imagjinoni si ishim para 1 viti dhe si jemi sot dhe si do jemi pas 11 majit. Kurrë në historinë e kombit shqiptar nuk ka ndodhur që drejtuesi të dali nga veriu në jug dhe t’ ju thotë mbështetësve që janë të marrë.Nuk ka ndodhur as edhe në ndonjë komb në botë , i cili shëtit me avion dhe në luks prej shqiptarëve dhe me paratë e tyre.

Të nderuar demokratë ,mbidhuni në 11 maj për t’i thënë Ramës se i vetmi i marrë është ai dhe Shqipëria do të clirohet nga një i marrë. Ka 12 vite që qeveris dhe e ka lënë gjysmën e popullit rrugëve të botës. Ka 12 vite që e ka kthyer Shqipërinë në një narkoshtet,” tha drejtuesi politik i PD për Qarkul Elbasan, Tomor Alizoti, para qytetarëve të Belshit me rastin e prezantimit të kandidatëve e “PD-Aleanca për Shqipërinë Madhështore” duke përfunduar:

“Në radhë të parë është emergjente për të shpëtuar Shqipërinë nga zhbërja dhe kombi shqiptar. Shqipëria do i përkasë qytetarëve shqiptarë dhe jo bandave. Shqipëria do kthehet në normalitet. Organizohuni, mobilizohuni se çlirimi real i Shqipërisë është 11 maji.”