Live/ Rinumërimi i votave të 11 Majit, sot hapen kutitë e Qarkut Tiranë

Pas hapjen së djeshme të 97 kutive të bashkive të Gramshit dhe Peqinit, sot, procesi i rinumërimit të votave vazhdon në Pallatin e Sportit “Fahrie Hoti”, për 1284 kutitë e Qarkut Tiranë.

Procesin e rinumërimit për subjektin politik dhe për kandidatët e Qarkut Tiranë mund ta ndiqni “live” KETU

E njëjta procedurë do të ndiqet edhe për të gjithë Qarkun e Fierit, ndërsa për Durrësin do të rinumërohen 360 kuti, përfshirë 85 nga diaspora.

Ndryshe, procesi i rinumërimit pritet të realizohet për rreth 1 muaj me 24 grupe pune dhe 63 punonjës të administratës zgjedhore, ku nuk do të përjashtohen vëzhguesit e 3 subjekteve politike që kanë ankimuar vendimin, PD, PS, dhe Mundësia.