Nishani: Kosova është Jerusalemi i shqiptarëve!
Në debatin rreth ndarjes dhe shkëmbimit të të territoreve me Serbinë, i cili u shkaktua dhe vazhdon pas deklaratës së Presidentit të Kosovës, Hashim Thaçi, u përfshi edhe Ish-presidenti i Shqipërisë, Bujar Nishani si njëri ndër njohësit më të mirë të Kosovës dhe çështjes kombëtare në tërësi.
“Kosova nuk është çështje thjesht e një shteti por Kolona Kryesore e Sigurisë Kombëtare për shqiptarët,” thekson Nishani, duke saktësuar, për shqiptarët kudo qofshin ata, në Shqipëri, Kosovë, Maqedoni, Mal të Zi, Luginë dhe anekënd botës.
“Ndaj Kosova është Jerusalemi i shqiptarëve!”
Ja postimi i plotë:
Kosova nuk është çështje thjesht e një shteti por Kolona Kryesore e Sigurisë Kombëtare për shqiptarët.
Në Shqipëri, Kosovë, Maqedoni, Mal të Zi, Luginë apo kudo qofshin ata, anekënd botës.
Jo rastësisht, ndër shekuj, kryengritjet për liri të shqiptarëve kanë nisur nga Kosova.
Ndaj Kosova është Jerusalemi i shqiptarëve
