Tre Nënkryetarët e rinj nuk e bëjnë dot Ripërtëritjen, ose PD ka ngatërruar Fjalorin!

Paralajmërimi “Ripërtëritje” nga Kryetari i Partisë Demokratike, Sali Berisha u sulmua nga mediat nën kontrollin e Edi Ramës, por përmbyllja nga Këshilli Kombëtar i PD i procesit të ristrukturimit të partisë, me zgjedhjen e tre nënkryetarëve të rinj, krerët e Sekretariateve dhe Komisionin e Apelimit më shumë i ngjanë një “Bashizimi” të PD-së se sa një ripërtëritjeje e shumë larg mulizimit të partisë më të madhe të opozitës, duke i hap rrugë synimeve të Edi Ramës me protestën marksist-leniniste në Bulevard për ta zëvendësuar opozitën në Shqipëri!

Partinë Demokrtaike e kanë përndjekur shumë anomali nga fillimi i procesit të bashkimit të një partie që nuk u nda në dysh në 8 Janarin e kobshëm, por biologjikisht gjaku i keq i hapi rrugë atij të pakonatminuar nga komunizmi i Edi Ramës, dhe, u mendua se largimi i Edi Palokës nga drejtimi i Këshillit Kombëtar dhe Zëvendësimi me një perzonash të panjohur si Julia Emiri që demokratët e kishin parë në protestën neomarksiste në Bulevard, do të ishte Vendimi i fundit i dhimbshëm drejt Ripërtëritjes!

Por, zgjedhja e tre Nënkryetarve të rinj vetëm vlerë nuk mund të quhet kur i thua demokratëve se Prof.Dr.Luçiano Boçi humbi në garë, qoftë kjo edhe për herë të parë në historinë e Partisë Demokratike, siç proklamon PD përmes një komunikate idiote, se Këshilli Kombëtar zgjodhi si Nënkryetarë të Partisë përfaqësues të të rinjve nën moshën 35 vjeç dhe përfaqësues të Diasporës.

Belind Këlliçi, Nikola Kedhi dhe Erisa Bajaziti mund të jenë drejtues më të mirë se Profesor Luçiano të ndonjë Departamenti të Promovimit të Partisë Demokratike në Rrjetet Sociale, por, Nënkryetar të PD, kurrë, as atëherë!

Ndërsa, sa i përket proklamatës se tre Nënkryetarët e zgjedhur të partisë janë për herë të parë pjesë e lidershipit të Partisë, kjo është më shumë komike se sa një fakt që mund ti shtohet argumentit, Ripërtëritje!

Por, tragjedia e Ripërtëritjes nuk përfundon këtu! Partia Demokratike, shumë e lumtur pas numërimit të votave se 13 nga 15 anëtarët e zgjedhur në Sekretariatin e Partisë janë për herë të parë pjesë e Sekretariatit dhe Kryesisë së Partisë, arritje që për PD është angazhimi për të reflektuar angazhimin për hapje, qarkullim elitar dhe promovimin e brezit të ri të drejtuesve, emrat e të përzgjedhurve tregojnë të kundërtën; Dhe, nëse i duhet vënë një etiketim këtij procesi për zgjedhjen e Sekretarëve që bëri më shumë pis se sa që ripërtriu Partinë, atëherë është vetëm një i vetëm: Bashizim!

Sekretar Organizativ

Klevis Balliu

Sekretar për Burimet Njerëzore

Andi Mustafaj

Sekretar për Çështjet Ligjore dhe Zgjedhore

Marash Logu

Sekretare për Marrëdhëniet me Publikun

Viola Kapedani

Sekretare për Organizatat Partnere dhe Shoqërinë Civile

Eva Metaj

Sekretare për Integrimin Evropian

Fjoralba Dizdari

Sekretar për Emigracionin dhe Diasporën

Ethem Aga

Sekretar për Dixhitalizimin

Etion Kapedani

Sekretar për Infrastrukturën dhe Territorin

Gentian Kaprata

Sekretare për Çështjet e Pronave dhe Luftën kundër Korrupsionit

Endira Bushati

Sekretar për të Drejtat e Njeriut

Franc Nuri

Sekretar për të Përndjekurit Politikë

Shkëlqim Lepenica

Sekretar për Pushtetin Lokal

Ylli Asllani

Sekretar për Aksionin Qytetar

Erges Eskiu

Për ata që sot përmbytën kafet e Tiranës me zhvillimet në Këshillin Kombëtar të PD, lajmi i keq është se nuk kanë se ku të ankohen, sepse pavarësisht se për Partinë Demoratike është vlerë se katër nga pesë anëtarët e Komisionit të Apelimit janë për herë të parë pjesë e organeve drejtuese të Partisë, kjo është fatkeqësia e këtij Komisioni që deri dje edhe mund të kishte kredibilitet për të marr vendim për një Apelim, sot, demokratët vetëm mund të hapin sytë dhe të lexojnë emrat:

Adriana Kalaja

Besart Logu

Shaqir Manjani

Suina Asllanaj

Gentian Koçi

Në fund, për të kuptuar se kjo vetëm Ripërtëritje e PD nuk mund të quhet nuk mjaftoi rikonfirmimi i Flamur Nokës si Sekretar i Përgjithshëm, sepse zgjedhja e Saimir Korreshit shoqëruar me polemikat brenda partisë që sajuan mediat nën kontrollin e Edi Ramës do të ishte vetëm Ripërtëritje e Lulzim Bashës në PD.

Sot, pavarësisht se çfarë trumbetojnë analistët dhe mediat nën kontrollin e Edi Ramës, Sekretari i Përgjithshëm Flamur Noka, ngelet njeriu i vetëm që Sali Berisha mund ti besoj, dhe, njeriu i vetëm që mund të shpëtoj atë që mund të shpëtohet në Partinë Demokratike ndërsa Shqipëria vazhdon përpëlitjet e fundit nën pushtimin komunist!

Dhe, sot, të gjithë ata demokratë optimist të pakorrigjueshëm që besojnë në Ripërtëritjen si zotim nga lideri i tyre Sali Berisha, nuk pëlqejnë tre Nënkryetarët e rinj sepse janë të qartë se nuk e bëjnë dot por nuk duan të thonë se “Fajet i ka Saliu”, ka një përgjigje për të mos thënë arsyetim:

E ka ngatërruar Fjalorin!