Ikën Lamallari, Rama: Ministër i Brendshëm, Ervin Demo

Pas dorëheqjes nga Besfort Lamallari, Kryeministri Edi Rama ka bërë të ditur sot ndryshimin më të ri në qeveri, ku duke filluar prej sot, Ministër i Brendshëm do të jetë, Ervin Demo.

“Sot kemi vendosur të bëjmë një lëvizje në skuadrën që është në fushë dhe Besforti, nga drejtimi i Ministrisë së Brendshme, do të kalojë në stolin tim, së bashku me mua dhe ekipin në Kryeministri,” tha Edi Rama përmes rrjetit social Facebook duke saktësuar dhe integrimin e çështjeve vendore në Ministrinë e Brendshme.

“Ndërkohë Ervini do të mbulojë punët e Brendshme, ku do të integrojmë edhe çështjet vendore. Diçka që nuk është e re për historikun e ministrisë, por pasi ka marrë një formë të plotë duke qenë veç, do të bëhet kalimi i një pjese të strukturës.”

Ndryshe, Besfort Lamallari si Zv/Ministër dhe Ministër i Brendshëm është akuzuar nga opozita shqiptare për udhëheqjen e fushatave të dhunshme policore pas çdo proteste, me patronazhistë pa uniformë policore që kanë arrestuar çdo person që ata e kanë akuzuar si pjesëmarrës të protestës, persona të cilët Gjykata i ka liruar si të pafajshëm.

Si ekspert i dhunës së rivalëve politikë, nuk e kishte se si të përfundonte ndryshe përveç se në Zyrën e Kryeministrit.