Edmond Bego/ Jo vetëm Taulanti, Hoxha del në mbrojtje të dënuarit për trafik ndërkombëtar të drogës

Kur shefi i Grupit Parlamentarë të Partisë Socialiste, Taulant Balla doli në mbrojtje të ish-pjesëtarit të bandës së Aldo Bares, pak kush u çuditë në tokën shqiptare, duke pasur parasysh partinë kriminale së cilës i takon Taulanti.

Por mbrojtja që i bëri sot Hoxhë Ahmed Kalaja tronditi opinionin si nga mënyra e mbrojtjes ashtu edhe arsyetimi të cilin e bënë imami i xhamisë që Mond Bego e frekuentonte.

Hoxha e njeh si një njeri të rregullt dhe korrekt, një familjar që sakrifikonte gjithçka për edukimin dhe shkollimin e fëmijëve të tij, prind për shumë jetimë, duke u dhënë pension mujor shumicës prej tyre, e disa të tjerëve u ka rregulluar dhe shtëpitë, përkushtimet e tij ndaj njerëzve në nevojë; thotë Imami Ahmed Kalaja për njeriun i cili në rastin më të mirë mund të jetë, një kriminel i penduar.

Një kriminel që ishte pjesë e një bande, asaj të Aldo Bares, e cila ka lënë gjurmë shumë të thella në shoqërinë shqiptare, duke luajtur me koka njerëzish, duke përdhunuar vajza shqiptare dhe duke i detyruar ato në prostitcuion; Dhe së fundi, duke trafikuar drogë përmes së cilës ai u pasurua dhe shumë familje, në rastin më të mirë, vazhdojnë të shetisin nëpër spitale për ti kuruar të afërmit e tyre që tashmë janë pjesë e një botë tjetër, botë të cilën nuk e krijoi droga por krijuesit e saj, trafikantët e drogës.

Lehtë është të sakrifikosh për edukimin dhe shkollimin e fëmijëve kur paratë I ke fituar me trafikun e drogës; mund të ndihmosh edhe fëmijët jetimë sepse ke para me tepri, e tu japësh edhe pension mujor shumicës prej tyre ose tu ndërtosh shtëpi. Por ky nuk është mesazhi që duhet të jap një njeri me ndikim në opinionin publik, aq më pak një klerik fetar, në një shoqëri shqiptare e cila është shthurrur totalisht.

Sot kjo shoqëri mbjelljen e drogës e quan punë krahu, pa e vrarë mendjen për përgjegjësinë e dëmit që bënë për gjeneratat që jetojnë dhe shumë më shumë për ato që vijnë.

Në fund thotë Hoxha, pyetja është: A do të gjejnë faltore apo altar ku të falen abuzuesit me dinjitetin e tjetrit për padinjitetin e tyre?!

Nëse kanë gjetë faltore apo altar ku të falen kriminelët që kanë përdhosur dinjitetin e tjetrit për padinjitetin e tyre, do ta gjejnë edhe abuzuesit, kjo nuk diskutohet!

Ja postimi i plotë:

Rasti i Mond Begos, Zoti i falte abuzuesit me dinjitetin e tij!

“I penduari nga një gabim konsiderohet si një i pafajshëm tek Zoti”. Keshtu sanksiononte Profeti Muhamed para 15 shekujsh.
Mirepo Islami nuk eshte mjaftuar me kaq po na meson se vuajtja e denimit eshte pjese e pendimit si edhe domosdoshmeri per funksionimin e pendimit, siç edhe na meson se ne momentin qe drejtësia të dënon për një gabim dhe ti e vuan atë dënim nuk ka kush më të drejtë të hedhë baltë mbi dinjitetin e dikujt.
Por fatkeqësisht shoqëria jonë, e etur për t’i bërë gjyqin njerëzve si dikur, ia kalon dhe Gjykatësit Suprem duke ia përmendur gjithmonë gabimin edhe nëse për këtë gabim e ke marrë një herë dënimin. Kështu po ndodh dhe me rastin e Mond Begos.Një qytetar i cili e ka shlyer dënimin dhe ka plotësisht të drejtën të jetojë i qetë nga hijet e së shkuarës.

Në statusin e imamit të xhamisë që z. Bego frekuentonte, më lind e drejta të them se e njoh si një njeri të rregullt dhe korrekt. Një familjar që sakrifikonte gjithçka për edukimin dhe shkollimin e fëmijëve të tij. Por jo vetëm, ai është prind dhe për shumë jetimë, duke u dhënë pension mujor shumë prej tyre, e disa të tjerëve u ka rregulluar dhe shtëpitë, perkushtimet e tij ndaj njerzve ne nevoje saqë nje status do të zgjatej shumë edhe do të humbte sensin, po qe jam i sigurte se ai kurre nuk do ta deshironte qe te permendim gjera te tilla se qellimi i tij nuk ka qenë reklamimi.

Le të merremi me të tashmen tonë dhe të mos e përdorim të shkuarën e dikujt për kapital politik.

Pa dyshim qe shume shpejt gjerat u zbardhen edhe u sqaruan.

Tani pyetja eshte: a do te gjejne faltore apo altar ku te falen abuzuesit me dinjitetin e tjetrit per padinjitetin e tyre?!