Batuta dhe Premtime/ Rama në Fier: “Më ra goja, kur bëni tenderat…”
Kryeministri Edi Rama sot në Fier ka vizituar spitalin e qytetit, e fushatë të cilën e ka filluar në vitin 2013 e vazhdoi edhe pas çeljes së repartit për trajtimin e pacientëve me kancer.
“Në spitalin e transformuar rrënjësisht, ku sapo hapet edhe reparti i ri i trajtimit të kancerit. E kaluara e disa viteve më parë e këtij spitali i ngjan një ëndërr të keqe dhe e ardhmja mbetet ende një sfidë e
madhe, që kërkon shumë punë akoma,” thekson Rama.
Me batutat e tij zgjedhore, Edi Rama u shfaq edhe teksa po hynte në repart, ku përmasat e dyerve nuk po korrespondonin me Lartëgjatësinë e tij :
“Me ra goja, kur i beni këto tenderat, mos i bëni dyert për Erjon Braçen.”
Për performancën, kryeministri mendoj edhe me këtë rast duke dhuruar karaifila për pacientët që prisnin apo ishin në trajtim, duke kërkuar të jenë shembull ndërgjegjësimi për të tjera gra e vajza që të kontrollohen në kohë.
E meqë Paketa Antishpifje ende nuk është miratuar, Kryeministri shfrytëzoi rastin për të dhënë edhe premtimin për rritje rroge ndërsa u përballë me mjekët:
“Patjetër që ka midisi tyre nga ata që njollosin përparësen e bardhë, por shumica nuk janë ashtu. Edhe me projektbuxhetin do të bëjmë një shtesë page për infermierët dhe mjekët. Shumë faleminderit do ju
rrisim rrogën,” tha kryeministri Edi Rama në mbyllje të vizitës.
