Seria A/ Krotone mban në lojë Interin, skuadra e tretë që bie…

U luajtën në orën 15:00, 5 takimet e vlefshme për javën e 37-të të Serisë A. Të gjithë sytë ishin te sfida Krotone-Lacio e cila përfundoi me rezultatin e barabartë 2-2.

Skuadra e mbrojtësit Arlind Ajeti, i cili nuk luajti në këtë sfidë, falë barazimit të sotëm, i dha edhe një shans Interit, për të luajtur “finalen” e fundit ndaj Lacios. Ndërkohë fundi i renditjes, është kthyer në një luftë të vërtetë. Kaljari, Spali dhe Krotone janë duke luftuar për të lënë poshtë njëra-tjetrën.

Krotone dhe Spal janë dy skuadrat më të rrezikuara, pasi ndodhen në kuotën e 35 pikëve, ndërsa Kaljari 36-të. Gjithçka do të përcaktohet javën e ardhshme.

Në 5 sfidat e zhvilluar ditën e sotme, u rregjistruan këto rezultate:

Krotone-Lacio 2-2

Torino-Spal 2-2

Bolonja-Kievo 1-2

Fiorentina-Kaljari 0-1

Verona-Udineze 0-1