Video/ Edi Rama takim me efektiven e policisë. Ja vendimi i qeverisë për Ina Nukën

Kryeministri Edi Rama ka zhvilluar sot një takim me punonjësen e policisë, Ina Nuka pas kthimit të saj nga një trajtim i specialuzar në Turqi, ku kryeministri bëri të ditur se ishte vetë Presidenti Erdogan ai cili u kujdes për rastin.

“Mjekët atje kanë bërë një punë të shkëlqyer dhe më thanë se nëse do të kisha shkuar dhe dy orë me vonesë, do të kisha humbur gishtat. Por unë sa shkova më futën direkt në sallë të operimit dhe më kanë ndihmuar shumë”, u shpreh Ina Nuka  para kryeministrit duke shtuar se tashmë shumë e lumtur që ajo tashmë ishte mirë nga ana shëndetësore.

Me këtë rast Edi Rama bëri të ditur dhe për një vendim që do të marrë qeveria për të mbështetur financiarisht punonjësen e plagosur të policisë.

“Do bëjmë dhe një vendim për të të dhënë një mbështetje financiare dhe morale, dhe të kesh ndjesinë e plotë të solidaritetit tonë dhe të kesh mundësinë që të rehabilitimin e plotë. Do fillosh pak nga pak punën, për një detyrë të lehtë në fillim dhe më pas me detyra të tjera.”

Ndryshe, punonjësja e policisë, Ina Nuka mbeti e plagosur nga një kapsollë gjatë protestës më 22 Nëntor para Parlamentit, dhe u dërgua për trajtim mjekësor të specializuar në Ankara të Turqisë.