Ambasadori amerikan përfundon takimin me krerët institucional

Ambasadori amerikan në Kosovë, Philip Kosnett, ka dalur nga takimi që ka pasur mëngjesin e sotëm me tre krerët institucional, presidentin Hashim Thaçi, kryeministrin Ramush Haradinaj,  dhe kryeparlamentarin Kadri Veseli.

Në takim tani kanë mbetur partnerët e koalicionit, duke përfshirë këtu të parin e AKR-së, Behgjet Pacollin dhe kreun e Nismës, Fatmir Limajn.

Ky takim vjen pas takimit të djeshëm ndërmjet koalicionit qeveritar, pas së cilit Qeveria përmes një kumtese ka pohuar se koalicioni është stabil dhe funksional, pavarësisht deklaratave kundërthënëse të partnerëve lidhur me taksën 100% ndaj Serbisë.