Jo si Deputete/ Rudina Hajdari me Ambasadorin e BE-së, mesazh nga Vau i Dejës

Deputetja e Partisë Demokratike, Rudina Hajdari, e cila ende nuk është deklaruar rreth dorëzimit të mandatit pavarësisht vendimit të grupit parlamentar të PD, sot nga Vau i Dejes në krah të Ambasasdorit të BE-së, Luigi Soreca dhe deputetes së PS, Eglantina Gjermeni, duke uruar gratë dhe vajzat për 8 Marsin, tha se flet si qytetare dhe jo si deputete.

“Duhet të punojmë bashkë në të gjitha fushat për të arritur gjërat elementare. Mos harroni kurrë se ju jeni forca e këtij qyteti, por duke punuar bashkë, duke ngritur zërin si sot, ne nuk do ishim në dijeni të problemeve dhe t’i adresonim ato,” tha Rudina Hajdari duke shtuar se do të jetë në krah të grave, në plotësimin e nevojave të tyre!

E pyetur nëse foli si deputete dhe a do të vazhdojë të mbaje mandatin, ajo tha shkurt: “Jo, fola si qytetare e Shqipërisë!”