Europiani 2020/ Panucci sërish dështon, Shqipëri-Turqi 0:2

U konsiderua ndeshje e shpresës por rezultoi vazhdimi i makthit kuqezi. Christian Panucci dështoi si trajner edhe njëherë ashtu si edhe Shqipëria e cila humbi 0-2 me Turqinë në “Loro Boriçi”.

Nga ana tjetër Senol Gunesh triumfoi në ndeshjen e tij të parë si trajner i përfaqësueses turke dhe jashtë Turqisë.

Në fund u komentua se Turqia shënoi dy gola me vetëm dy gjuajtje në portë, por Shqipëria ishte joserioze përgjatë 90 minutave. Si në 45 minutat e para kur kishte ca raste ashtu edhe 45 minutat e fundit kur u lodhë dhe nuk kishte fuqi më për tu përballur me Turqinë që nuk po gjuante kuadratin.

SHQIPËRI-TURQI 0-2

Jëllmaz 22′, Çalhanoglu 55′

FORMACIONET ZYRTARE:

Shqipëria: Berisha, Hysaj, Veseli, Gjimshiti, Balliu, Ismajli, Xhaka, Memushaj, Abrashi, Uzuni, Balaj. Trajner: Kristian Panuçi

Turqia: Gunok, Ali Kaldirim, Emre, Jokuslu, Gonul, Tosun, Çalhanoglu, Tekdemir, Demiral, Burak Jilmaz, Ajha. Trajner: Senol Gunesh.

46′ Turqia kryen zëvendësimin e parë. Largohet mbrojtësi Gonul, në fushë Çelik.

58′ Dy zëvendësime të menjëhershme te Shqipëria, largohen Balaj dhe Balliu, vendin e tyre e zënë, Grezda dhe Sadiku.

65′ Zëvendësim i dytë te Turqia, largohet nga fusha Emre, vendin e tij e zë Tokoz.

88′ Zëvendësim i tretë te Turqia, largohet autori i golit të parë Jëllmaz, vendin e tij e zë Turuc.