Haradinaj takon Sekretarin e Vatikanit, kërkon njohjen nga Selia e Shenjtë

Kryeministri i Kosovës, Ramush Haradinaj në takim me Sekretarin e shtetit të Vatikanit, Kardinalin Pietro Parolin, ka shprehur sot zotimin për avancimin e partneritetit dhe duke kërkuar njëkohësisht njohjen nga Selia e Shenjtë.

Pas takimit, Haradinaj përmes një njoftimi në rrjetin social Facebook thekson se ndjehet i nderuar me vizitën që Kardinali po i bënë Kosovës, dhe është një dëshmi e përkushtimit të përbashkët për avancimin e marrëdhënieve bilaterale me shtetin e Vatikanit.

“Kosova dhe populli i saj, ndër shekuj kanë dëshmuar vlera perëndimore dhe sot jemi të përkushtuar si shtet në ruajtjen e paqes, stabilitetit dhe lirisë fetare në vend. Këtë përkushtim ia shpreha edhe Sekretarit Paroli, duke shprehur zotimin tonë, për avancimin e këtij partneriteti dhe duke kërkuar njëkohësisht njohjen nga Selia e Shenjtë,” tha Kryeministri i Kosovës, Ramush Haradinaj.