Me gjyqtar kriminal si Shpëtim Reka, Ramës nuk i duhet Gjykata e Apelit. Sako kryetare e Bashkisë Durrës!
Pasi Gjykata e shkallës së parë Durrës, refuzoi t’i japë mandatin Valbona Sakos si kryetare e re e Bashkisë Durrës, Sako tha se ka bërë gati të gjithë dokumentacionin e nevojshëm për të apeluar vendimin e gjykatës së shkallës së parë.
“Nuk do të tërhiqem nga rruga ime, mandatin e kam fituar me mund,” tha me plotë të drejtë Valbona Sako e bindur se Gjykata e Apelit do ti jap mandatin që i takon si kryetar e re e Bashkisë Durrës.
Por, kryetari e partisë së Valbona Sakos është njeriu që nuk njeh gjykatat por individin, dhe vetëm nëse ky individ i nënshtrohet. Dhe e gjeti pranë Gjykatës së shkallës parë Durrës ndonëse kjo gjykatë kishte marrë vendimin se procesi zgjedhor i 30 qershorit nuk është i ligjshëm.
Kështu pas kërkes së Edi Ramës për rishqyrtim të vendimit, pa e pritur vendimin e Gjykatës së Apelit, gjyqtari në shërbim të Kryeministrit pranë Gjykatës së shkallës parë Durrës, Shpëtim Reka, vërtetoi mandatin e Valbona Sakos për kryetare të Bashkisë edhe pse kjo e fundit nuk e kërkoi një gjë të tillë.
Pavarësisht kërkesës së kryeministrit Edi Rama dhe presionit që mund të ketë ekzistuar ndaj Gjykatës, krimineli i vetëm në vërtetimin e këtij mandati është Shpëtim Reka, i cili është betuar si gjytar .
Ndryshe, në vendimin e para dy ditëve, Gjykata e Durrësit thekson se procesi zgjedhor i 30 qershorit nuk është i ligjshëm, pasi partia “Bindja Demokratike” është regjistruar jashtë afatit zyrtar, duke i bërë zgjedhjet nul.
Pas këtij vendimi, Presidenti i Republikës e vlerësoi situatën si “rrëmujëhane”. Tani kur situata u rëndua edhe më shumë me vendimin e militantit socialist Shpëtim Reka, lirshëm mund të thuhet se rrëmujëhania nuk ka parë gjë akoma!
