Reshje intensive të shiut/ Lumi Vjosa del nga shtrati, pezullohet lundrimi në det

Për shkak të reshjeve intensive të shiut gjatë orëve të fundit Lumi Vjosa ka dalë nga shtrati.

Pazari i vjetër në Urën e Mifolit është përmbytur ndërkohë burimet thanë se trageti i linjës Vlorë-Bridisi-Vlore vazhdon punën normalisht ditën e sotme teksa pritet te udhetojë drejt Brindisit.

Kapiteneria ka konfirmuar se për mjetet tjera lundruese si dhe mjetet e peshkimit për sot dhe nesër pezullimi i lundrimit do të vijojë, kjo për shkak të erës së fortë që fryn me drejtim Veri-Perendim dhe detit me dallgë të forta.

Instituti i Gjeoshkencave, Energjisë, Ujit dhe Mjedisit, IGJEUM, ka parashikuar se prurjet do të vazhdojnë të jenë të larta por me tendencë ulje pas mesditës.