Lëkundje të forta në Tiranë dhe Durrës. Panik i madh…

Lëkundje të forta janë ndjerë në orën 21:15 në Tiranë dhe Durrës. Tërmeti me magnitude 5.5 të shkallës Rihter dhe me thellësi 10 km, sipas Institutit të Gjeoshkencës ishte me epiqendër në Hamallajt të Durrësit.

Tërmeti ka shkaktuar panik të madh ndër qytetarët e Tiranës dhe Durrësit me pasgoditjen pas 2 minutave ndonēse ishte me magnitudë më të ulët.

Qendra Sizmologjike Mesdhetare, EMSC, raportoi për një tërmet të orës 21:15 me magnitudë 5.0 dhe thellësi 10 km, 18 km nga Shijaku dhe 34 nga Tirana.

Dhe, vetëm pas 2 minutave EMSC raporton për një pasgoditje me magnitudë 4.1 të shkallës Rihter dhe thellësi 10 km, vetëm 3 km nga Fushë Kruja dhe 20 km nga Tirana.

Qendra Sizmologjike Mesdhetare, EMSC, raporton edhe për pasgoditjen e orës 21:31 me magnitudë 3.3 të shkallēs Rihter dhe thellësi 10 km, 21 km nga Mamurrasi dhe 38 km nga Tirana.