Koronavirusi në Kosovë, edhe një i prekur, familjar i 77 vjeçarit nga Vitia

Është konfirmuar edhe një rast me koronavirus nga Ministria e Shëndetësisë duke e çuar në 3 numrin e të infektuarve në Kosovë.

“Sot me keqardhje ju njoftoj edhe me një rast të ri të infektuar me COVID-19, i cili është një prej të afërmeve të personit që u konfirmua dje me koronavirus, nga Stublla e Vitisë,” e konfirmoi sot duke përditësuar të dhënat, Ministri i Shëndetësisë i Kosovës, Arben Vitia.

Drejtori i ISHP-së: Nëse i keni këto tre shenja…

Drejtori i Institutit të Shëndetit Publik, Naser Ramadani, tha se vetëm gjatë ditës së djeshme kanë testuar 45 persona për infektim eventual me koronavirus.

“Janë gjithsej 140 raste, prej tyre 3 pozitiv.Në do të vazhdojmë punën për testim. Por kam një apel për gjithë qytetarët. Nëse keni temperatur mbi 38 gradë, kollitje të thatë dhe vështirësë më frymarrje atëherë duhet të merrni masa. Nëse i kanë këto shenja, le të lajmërohen në numrat kontaktuese. Dje janë paraqitur mbi 500 thirrje,” Dr.Naser Ramadani.