Drejtori i Urgjencës Kombëtare me koronavirus

Drejtori i Urgjencës Kombëtare, Skënder Brataj ka rezultuar pozitiv në testin e bërë për koronavirus. Ministrja e Shëndetësisë, Ogerta Manastirliu, e konfirmoi se ai i është nënshtruar testimit me tampon dhe pas analizës ka rezultuar i prekur me COVID 19.

“Gjendja e Dr.Brataj paraqitet e stabilizuar dhe ai ndodhet në vetëizolim, në shtëpinë e tij. Uroj me shpirt ta kalojë sa më lehtë këtë situatë dhe t’i bashkohet sa më shpejt, i shëruar plotësisht, ekipit tonë që po lufton çdo ditë me këtë armik,” tha Manastirliu duke shtuar se Dr.Brataj është në izolim dhe për momentin është në gjendje të mirë shëndetësore .

Ndryshe, Skënder Brataj është pjesë e Task Forcës pranë Ministrisë së Shëndetësisë për Koronavirusin.