Vrasja në Vlorë, policia jep detaje/ Dy të dyshuarit nga Tepelena, emrat…

Policia e Vlorës ka shpallur në kërkim dy persona lidhur me vrasjen e ndodhur dy ditë më parë në këtë qytet.

Në një konferencë për media, drejtori i policisë së Vlorës tha se është zbardhur dinamika dhe janë identifikuar autorët e dyshuar.

Sipas tij, autorët e dyshuar të ngjarjes dhe të shpallur në kërkim janë:

E.A., 31 vjeç, lindur në Tepelenë dhe banues në Vlorë;

A.C., 28 vjeç, lindur në Tepelenë dhe banues në Vlorë.

Ndërkohë ai bëri të ditur se janë arrestuar dy persona që kanë qenë bashkëpunëtorë:

Nekid Arapi, 21 vjeç, banues në Vlorë,

Amarildo Grembi (Muka), 28 vjeç, banues në Vlorë.

Nga mbrëmja e 4 qershorit kur ndodhi krimi policia ka shoqëruar disa persona për ti marrë në pyetje, si persona që kanë dijeni për ngjarjen.