Ku është Ish-Gjeneral Lleshaj, pse nuk i jep një dru Ilir Metës?!

Mijëra qytetarë kanë marrë “dru edukativ” nga policët e Ish-Gjeneral Sandër Lleshajt vetëm pse thirrën “Rama ik”! Dëmi i vetëm që bënë qytetarët me këtë thirrje ishte rritimi i veshit të Kryeministrit Edi Rama dhe ca militantëve idiotë si puna e Ministrit të Brendshëm, që guxuan të çojnë dorë mbi qytetarët e pafajshëm, me policë që tashmë nuk kanë as numrin e identitetit në uniformën e tyre.

Çuditërisht, mbrëmë, në shtetin ku ministër i Brendshëm është Ish-Gjeneral Sandër Lleshaj, Presidenti i Republikës nuk irritoi veshin e Kryeministrit por guxoi të cenon sigurinë kombëtare duke folur broçkulla gjatë një interviste në një televizion kombëtar që njihet për politikë antikombëtare ndaj këtij vendi po aq sa Ilir Meta!

Duke vazhduar me politikën e kriminelëve komunistë të viteve ’40 të shekullit të kaluar, Ilir Meta, si proserb i zellshëm, sërish si partia e tij kriminale komuniste akuzoi armikun historik të shqiptarëve, serbët, se kanë lobuar në Uashington për të shembur Teatrin Kombëtar me qëllim të destabilizimit të situatës në vend.  

“U shemb që të provokojë opozitën, të destabilizojnë situatën, se kështu u intereson dikujt, lobit proserb në Uashington. Po siç i interesonte edhe vjet që të kishte gjakderdhje. Lobit serb dhe ai pro rus në Uashington i intereson përplasja civile dhe destabilizimi në Shqipëri. Kam shumë prova dhe dokumente që do i bëj publike në kohën e duhur,” tha i papërgjegjshmi Ilir Meta 12 orë më parë, dhe ende nuk ka reaguar asnjë institucion që kujdeset për sigurinë e këtij vendi. Madje as Ish-Gjeneral Sandër Lleshaj që u jep dru kot qytetarëve, vetëm pse e kanë horoskopin e keq!

Institucionet e sigurisë në këtë vend duhet të reagojnë duke dhënë çfarëdo lloj përgjigje, jo se serbët nuk janë të interesuar për destabilizimin e Shqipërisë, jo se serbët janë të painteresuar për shembjen e Teatrit Kombëtar, por qytetarët shqiptarë një ditë duhet të fillojnë të dëgjojnë deklarata të përgjegjshme të liderëve të tyre, aq më shumë kur Kushtetuta, jo Ilir Metës, por Presidentit të Republikës,

nga Neni 86 deri në Nenin 94 që përfshinë Kapitullin e Presidentit, në asnjë vend nuk i jep kompetencën që të cenoj sigurinë kombëtare. Madje dhe me broçkulla publike si ato te Fevzo duke përsëritur politikën destruktive të socialistëve sa herë që zihen për pushtet dhe shiten si kombëtar.

Nëse Ish-Gjeneral Sandër Lleshaj ka vendosur të mos i jap dru Ilir Metës dhe Edi Rama po bënë përpjekje për të bërë aleancë me mikun e tij të vjetër që shitet si Anti-Ramë dhe Anti-Monikë, është detyrë e Shërbimit Informativ Kombëtarë të sqaroj situatën ose të pranoj paaftësinë e tij për të mbrojtur objekte të rëndësisë së veçantë nga armiku i jashtëm.

Gjithashtu, është detyrë e Kryeministrit Edi Rama të sqaroj situatën përmes Ambasadës së Shqipërisë në SHBA se si është cenuar Teatri Kombëtar nga lobi serb në Uashington, të shkarkoj shefin e SHIK-ut dhe natyrisht Taulant Ballën i cili zbulon “veprimet” e lobit të PD në SHBA dhe i ikin çështjet madhore si lobimi serb kundër Shqipërisë!

Ndryshe, nëse të gjitha këto pikëpyetje mbeten pa përgjigje, atëherë historia nuk po përsëritet por krimi po përsëritet. Në vitin 2000, kur Ilir Meta ishte Kryeministër dhe përdorte policinë dhe Shërbimin Informativ ashtu siç bënë Edi Rama sot, më 21 janar të vitit 2000, Fatos Nano duke u folur drejtuesve lokalë të partisë deklaron:   

“Miliona dollarë ka investuar Milosheviçi për të destabilizuar Shqipërinë…Kemi informata të sigurta se Milosheviçi ka investuar fonde të reja për të ndalur progresin e  Shqipërisë.”

Progresi i Shqipërisë ndaloi, Fatos Nano vazhdoi aktivitetin e tij në rizgjedhjen e Ilir Metës kryeministër, por kabineti i këtij të fundit, përveç lançimit të ca shkrimeve kundër Sali Berishës dhe “takimeve” që kishte realizuar me Arkanin, nuk është se reagoi ose u zbulua se nga erdhën, kush i solli dhe kush i mori këto fonde, ndonëse në krye të SHIK-ut kishte hyzmeqarin e tij besnik, Fatos Klosi.

Gjithsesi, edhe heshtja e institucioneve që kujdesen për sigurinë kombëtare ndaj deklaratave të papërgjegjshme të Presidentit të Republikës, Ilir Meta, sot për qytetarët shqiptarë është përgjigje.

Pse nuk i bëri publike Ilir Meta “shumë prova dhe dokumente” që ka, nuk dihet, por  “që do i bëj publike në kohën e duhur” është e qartë se kjo do të jetë kohë e duhur vetëm për Serbinë!

Sot, kur për situatën e rënduar janë vetëm dy fajtorë, Edi Rama dhe Ilir Meta, fenomenin e ka shpjeguar katër vjet më parë Presidenti i Çekisë, Millosh Zeman, kur u acarua koalicioni qeverisës çek dhe nuk kaloi Ligji Antiduhan:

“A e dini se cili është përshkallëzimi i nocionit armik! Shkalla e parë armik, shkalla e dytë armik për vdekje, shkalla e tretë partner i koalicionit!”