Vettingun e kalon vetëm kush i shërben politikës! Jep dorëheqjen gjyqtari Gjin Gjoni, letër KLGJ-së…
Gjin Gjoni ka dhënë dorëheqjen si gjyqtar pranë Gjykatës së Apelit të Tiranës. Përmes një letre ai ka dorëzuar kërkesën e dorëheqjes pranë Këshillit të Lartë Gjyqësor, duke sqaruar edhe arsyet e këtij vendimi.
Në kërkesën e tij të largimit, gjyqtari Gjoni ka deklaruar se drejtësia është në kolaps ndërsa për vettingun kishte një akuzë të fortë:
“Vettingu, jo i barabartë për të gjithë. E kalon Vettingun nëse i shërben politikës. Trupa e Vettingut ka lidhje me politikën”.
Kështu, 6 vjet pas akuzave të rënda të Kryeministrit Edi Rama për gjyqtarin Gjin Gjoni në konferencën e 300 ditëve, ku argumentonte pse duhej Reforma në Drejtësi, Rama tha:
“Po e them copë, sepse jam ndier i tmerruar kur kam përballë zyrtarët më të lartë të vendeve të tjera që e përmendin si emër? Ç’arsye ka një zyrtar i lartë të dijë emrin Gjin Gjoni në anglisht? Dhe ç’arsye ka një aleancë e tërë, që shtrihet nga Europa në NATO dhe nga NATO në Europë që të dijë që është një Gjin Gjoni dhe ta shtrojnë këtë problem me të gjitha autoritetet që takojnë. Unë s’kam asnjë gjë me këtë person dhe nuk është personale, se të ishte do ishte 1/100 e së keqes, por është fenomenale. Dhe në këtë vend ku ka shumë martirë, që s’janë vënë në vendin e tyre, Gjin Gjoni bën martirin, se po e luftojnë për arsye politike. Është fenomenale. Dhe është vetëm një nga mijëra raste, që ne nuk i dimë dhe pastaj na sjellin pasoja vdekjen në rrugë të njerëzve të pafajshëm.”
Kështu, 6 vjet pas këtij falimi të thartë të 14 korrikut të vitit 2014, Reforma në Drejtësi e Edi Ramës nuk e largoi Gjin Gjonin. Kush e ka fajin, këtë duhet ta gjejë njeriu që rrëfente përralla me Merkelin dhe Skenderbeun sepse Reforma e tij në Drejtësi dështoi dhe ai duhet të kërjoj falje. Nëse është ndryshe duhet të sqaroj shqiptarët pse Gjin Gjoni iku dhe nuk u kap në sitën e vettingut.
Nëse hesht Edi Rama, shqiptarëve nuk u mbetet gjë tjetër vetëm se ta besojnë gjyqtarin Gjin Gjoni: Vettingu, jo i barabartë për të gjithë. E kalon Vettingun nëse i shërben politikës!
