Arritje historike, Robin Krasniqi shqiptari i parë kampion bote në boks

Boksieri Haxhi Robin Krasniqi bën arritjen historike, duke u bërë shqiptari i parë kampion bote.

Mbrëmë, Krasniqi ka mposhtur me “Knock Out” Dominik Bazel, që në raundin e tretë. Bazel ishte kampion bote në kategorinë WBA dhe po luftonte për të mbrojtur titullin në peshën e mesme.

Megjithatë nuk ia doli dot ta mbronte, pasi shqiptari Robin Krasniqi ia doli ta mposhtë, duke u bërë ai kampion i botës. Në këtë mënyrë, Krasniqi bëhet shqiptari i parë kampion bote, ndonëse ne boks ai përfaqësohet me flamurin e Gjermanisë.

Një arritje historike kjo për Krasniqin, që ka bërë krenar jo vetëm boksierin, por të gjithë shqiptarët anë e mbanë botës./Panorama/