Vrasja e 25-vjeçarit nga policia, Edi Rama: Sot në 18:00 do të…

Më në fund në Tiranë! Kështu e nis Kryeministri Edi Rama reagimin e tij të parë për vrasjen e 25-vjeçarit Klodian Rasha nga policia duke paralajmëruar kthimin nga SHBA dhe publikimin e qëndrimit të tij për ngjarjen tragjike në orën 18:00.

“Më në fund në Tiranë! Sot në 18.00 do të ndaj me shqiptarët qëndrimin tim për vdekjen tragjike të 25 vjeçarit nga efektivi i Policisë së Shtetit! Faleminderit paraprakisht kujtdo që do të gjejë kohën të më ndjekë në tv apo fb,” thekson Kryeministri Edi Rama në reagimin e tij të parë përmes rrjetit social Twitter.

Ndryshe, ky është reagimi i parë i Kryeministrit Edi Rama ndonëse kanë kaluar dy ditë nga vrasja e 25-vjeçarit Klodian Rasha nga policia, e në Shqipëri janë organizuar protesta të ashpëra si për vrasjen e Klodianit ashtu dhe përpjekjet e Policisë së Shtetit për të manipuluar vrasjen.