Vrasje e 25-vjeçarit, protesta me flamuj të BE shumë shpejtë u shndërrua në dhunë

Protestues me flamuj shqiptarë dhe të Bashkimit Evropian ishte një shenjë e mirë në ditën e protestës kundë vrasjes së 25-vjeçarit Klodian Rasha me kërkesën e qartë për shkarkimin e Drejtorit të Përgjithshëm të Policisë, Ardi Velliu, por shumë shpejtë gjithçka u shndërrua në dhunë.

Shumë të rinjë filluan të hedhin sende të forta në drejtim të Kryeministrisë ndërkohë forcat e Ndërhyrjes së Shpejtë dhe autobotë me ujë dhe gaz lotsjellës kanë ndërhyrë për të shpërndarë turmën, duke rikthyer skenarin e dhunës së dy ditë të para.

Shpërndarja dhe rigrupimi i protestuesve nuk i shpëtoi nga dhuna policore dhe arrestimet dhe nga ana tjetër ata të rinjë që vazhduan marshimin nëpër rrugët e Tiranës vazhduan duke shkatërruar sinjalistikën rrugore, semaforë e tabela dhe duke bërë thirrje kundër qeverisë dhe duke kërkuar largimin e Drejtorit të Përgjithshëm të Policisë.

Dhe, ndërsa dhuna policore dhe arrestimet po shtoheshin protestuesit nuk u larguan, madje u nisën në drejtim të Drejtorisë së Policisë ku sërish filloi përplasja mes protestuesve dhe efektivëve të policisë për të përfunduar me shumë gaz lotsjellës dhe ndërhyrjen e FNSH.

Spiralja e dhunës mes palëve u rrit ndërkohë mesazhet që erdhën nga Kryeministri nuk shohin në horizont qetësimin e gjakërave.