Urimi, Lulzim Basha: Gëzuar Pashkët!

Gëzuar Pashkët! Duke uruar nga zemra të gjithë besimtarët katolikë, Kryetari i Partisë Demokratike, Lulzim Basha, ka dhe një lutje të veçantë në ditën e shenjtë të Pashkëve:

“Kremtimi i Pashkëve shënon triumfin mbi të keqen dhe forcën e jashtëzakonshme të ringjalljes dhe dashurisë. Sot, kur si asnjëherë më parë jemi në udhëkryq, të gjithë së bashku le të gjejmë forcën për të kapërcyer çdo vështirësi me zemrat e mbushura me besim se aspiratat tona do të bëhen realitet,” thekson Lulzim Basha në urimin e tij duke përfunduar:

Për shumë vjet gëzuar!

Urimi:

Nga zemra ju uroj Gëzuar Pashkët! Duke uruar të gjithë besimtarëve katolikë.

Kremtimi i Pashkëve shënon triumfin mbi të keqen dhe forcën e jashtëzakonshme të ringjalljes dhe dashurisë. Sot, kur si asnjëherë më parë jemi në udhëkryq, të gjithë së bashku le të gjejmë forcën për të kapërcyer çdo vështirësi me zemrat e mbushura me besim se aspiratat tona do të bëhen realitet.

Prandaj ju motra e vëllezër që po kaloni vështirësi shëndetësore, nëna dhe baballarë që sot jeni në pamundësi ekonomike, të rinj e të reja që mendoni emigrimin, mbushini zemrat tuaja me shpresë se ditë më të mira po vijnë.

Zoti e bekoftë Shqipërinë.

Për shumë vjet gëzuar!