Video-përgjimi i Xhafajt/ Rama: Maskaradë, ekspertizë shkencore materialit, hetim për …
Kryeministri Edi Rama ka marrë në mbrojtje ministrin e Brendshëm, Fatmir Xhafaj, dhe ka paralajmëruar ndëshkime penale, lidhur me atë që e quajti një maskaradë për destabilizim.
Nga grupi i PS, Rama ka theksuar prerë se ‘maskarada meriton përgjigje të qartë edhe në rrafshin e ndëshkimit penal”.
“Paralelisht me kërkesën për hetim imediat nga prokuroria të materialit audio të opozitës unë kam kërkuar nga një agjenci e specializuar ndërkombëtare ekspertizën shkencore të materialit dhe kam vënë në lëvizje burimet zyrtare për mbledhjen e informacionit nga agjencitë partnere për cdo indice të mundshme lidhur me vëllanë e MB”- tha Rama.
“Ja sot na del edhe që drejtuesi i reformës dhe Ministri i Brendshem na qenka kryetari i familjes së dytë mafioze në Ballkan, pas meje dhe familjes sime.
Ministri i Brendshem paska fshehur prej 6 vjetësh dënimin me burg të vëllait në Itali për një vepër të kryer 15 vjet më parë dhe ky sekret mafioz u zbulua nga opozita jonë, por u shpërnda në faqet e FB të kryeministrave të vendeve anëtare të BE.
MB paska qenë diversant i krimit në krye të reformës ku qenka infiltruar për një nen me qëllim moseekstradimin e vëllait, lavdi zotit që shqiptarët kanë opozitën.
MB nuk qenka vetëm fshehësi i dënimit të vëllait, dokument që gjendet online prej 6 vitesh dhe as injektues i fshehtë i nenit për të mbrojtur vëllanë, hataja që ka gjetur punët e brendshme është ku e ku më e madhe, se MB qenka kreu i një organizate kriminale i trafikut të drogës, ku vëllai u kap në veprim e sipër, me një bashkëpunëtor X. Kjo provë ulëritëse, mori dhënë në mediat tona dhe jo vetem, edhe në kanalet e lobimit për të çelur negociata.
Kjo është një maskaradë destabilizuese, e vënë në skenë për ti thënë Evropës se ky është vend ku Ministria e Brendshme është organizata mëmë e trafikut dhe për tu thënë shqiptarëve se sa të jetë Rama në qeveri MB nuk mund të jenë tjetër sesa eksponentë të krimit global”, tha Rama.
Deklarata e Ramës
Unë e kam marrë mbrëmë përgjigjen e analizës shkencore nga nje prej laboratoreve me te mire ne bote. Mua më mjarfton ajo përgjigje. Po bëj një parantezë, jo për të vënë ulërimën kundër hetimit apo për të influencuar hetimin, por më mjafton për t’ju thënë juve se nuk jemi absolutisht përpara asnjë lloj prove kompromenteuse për minstrin e Brendshëm, por para një mashtrimi me një material jo autentik, me te cilin synohet destabilizimi i qeverisjes dhe shkatërrimi i segmentit të fundit të rrugës evropiane.
Mbreme kane shperndare nga zyra e SHQUP në cdo adresë email në Evropë, parlamentarësh, qeveritarësh, një tjetër overdozë balte për të rekrutaur e mbajtur të motivuar deputetë në Evropë që ti bien ndesh celjes së negociatave me Shqipërinë e sot të vënë kujën korridoreve e zyrave duke i treguar të tjerëve, nje breaking news nga Shqipëria. A mund të më thoni kush mund t’ja bëjë këtë vendit të vet?”
Qoftë përgjigja që kam marrë nga analiza shkencore, qoftë informacionet e grumbulluara nga agjencitë partnere, këto më mjaftojnë mua për të krijuar bindjen se Ministri Brendshëm duhet të vazhdojë detyrën, por nuk e bëjnë aspak më urgjente hetimin shterues të prokurorisë. Prandaj e përsëris kërkesën e bërë nga kreu i grupit parlamentar për prokurorinë se kjo është sfidë e drejtësisë, ato t’u japin shqiptarëve provën e të vërtetës, ose të provojnë autenticitetin e audiopërgjgjimit, ose askush nuk mund të luajë qensh me dinjitetin e njerëzve, me gjakun dhe djersën e tyre.
Nëse del se ministri dhe vëllai nuk kanë gjë për të paguar, se nëse del e kundërta nuk do diskutim, kush e organizoi këtë lojë të neveritshme për të çoroditur dynjanë mes një mashtrimi të tillë publik dhe për të goditur vendin në prag të vendimit për negociatat duhet të paguajë, sipas ligjeve të vendit për këtë lloj mashtrimi që përcaktojnë dënimin me burg. Ky nuk mund të jetë një vend që për nje deputet kërkohet burg në parlament, 24 orë pasi të dalin në gazetë muhabetet e dy trafikantëve dhe për një dorë politikanësh deputetë që duan të çmendin dynjanë me një aktor dhe bashkëpunëtor X të mos bëhet hetim shembullor e të mos jepet ndëshkim penal shembullor. Drejtësinë e duam njësoj për të gjithë.
